Kupona Kusikaperi Chiinyi?

Mugubera, 21 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Kuti kunyazwi ndiani unomutenda aone kupona kusikaperi” (Johani 3 ndima 15).

Ngatiti uri kuchumairira munhu. Munhu uya obva akubvunza echiti, “Kupona kusikaperi chiinyi?” Iwewe unozomudaira uchitinyi? Chirekera ndikutsanangurire kuti kupona kusikaperi chiinyi. Ndichakutsanangurira ngenjira mbiri. Kupona kusikaperi ingazi yeVamwari. Dzinza reVamwari. Munhu ane kupona kusikaperi anenge ari wengazi yaMwari. Munhu wengazi iyi unenge akatosiyana nevamweni vanhu veshe. Unenge aa wedzinza raMwari.

Kupona kusikaperi ndikwo kunoita kuti Mwari vakone kuryisana nevanhu. Ndikwo kunoita kuti Mwari vave munhu akazviemerera. Vechikona kuzviponera vega. Ngenyi izvi zvakakosha? Ngokuti vanhu vane zvimwari zvakawanda. Dzinza rimwe ngarimwe rine zvimwari zvarwo. Asi zvimwari zveshe izvi azvina kupona kusikaperi. Kuronza kuti azviiti kuryisana nevanhu. Uyezve azvikoni kuzviponera zvega.

Asi Mwari vedu vane kupona kusikaperi uku. Izvi ndizvo zvevanotiziisa muZvinyorwa. Ndiyo ndaa vakasiyana nezvimweni zvimwari zveshe. 1 Johani 5 ndima 20 inoti, “… Nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi”. Kristu Jesu ndiMwari. Ndivo Mwari vetinokona kuryisana navo. Ndivo Mwari vanoonekwa vechizviponera vari vega.

Vona vakatombohamba munyika muno. Kupona kusikaperi uku kwaiya kuri mwevari. Kwaiya kuri mumuiri wemunhu wenyama. Pevari ndipo petakaona kupona uku. Izvi ndizvo zvetinoona muna 1 Johani 1 ndima 2. Inoti, “Kupona uku kwakaoniswa, nesu takakuona, tinoita chapupu, nokuteketesa kwomuri uku kupona kwemhera nariini, ukwo kwaiya naBaba nakwo kwakaoniswa kwetiri”.

Kupona uku ndikwo kwevakaunza munyika muno. Izvi ndizvo zvetinoziiswa muna Johani 10 ndima 10. Kristu Jesu vari kupa kupona uku kuvanhu. avasiri kuita Kwokutengesa. Vari kungopa. Izvi ndizvo zvetiri kuziisa vanhu ngepadera penyika yaMwari. Ndiyo ndaa dzechizwi mashoko akanaka. Kupona uku akusi kubhadharwa. Kuri kungopuwa vanhu.

Pupura Weiti
Inini ndaa wengazi yaMwari. Ndaa wedzinza raMwari. Ndizvo ndinodakara. Saka ndasiyana nevanhu vomunyika muno. Ndaa nesimba rekunyisa zveshe zvendinoshongana nazvo. Ndinopona somunhu anozia kuti ndaa wengazi yaMwari. Vanhu vengazi iyi avakoni kuparadzwa. Avarwari. Avanyiswi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Johane 17 ndima 3
1 Johane 5 ndima 11 kusvika 13
1 Johane 5 ndima 20

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church