Kuduswa PaZvishaishi

Muvhuro, 30 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Kudai techitenda zvishaishi zvedu, Iye unogondeka nokururama unozotirekerera zvishaishi zvedu nokutisuka kusikarurama kweshe.” (1 Johani 1 ndima 9).

Mundima yetabeura ndiyo mune izwi rinoti, “Kutenda”. Izwi iri rinoturikirwa kubva kuizwi reChigiriki. Izwi reChigiriki rakhona rinoti, “Homologeo”. Izwi iri rinoronza kuronza chiro. Asi mundima iyi rinoronza kutenda. Isusu tinosisira kutenda petinenge tashaisha. Mwari vanozotendeka kutikungurira zvishaishi izvi. Vechitisuka kusarurama kweshe.

Ngatierengewo VaRoma 3 ndima 24 kuguma 26. Ndima iyi inoronza ngepadera pokururama kwaMwari. Inotauravo pamusoro pekukanganwirwa zvivi. Ndima iyi inoti, “Vechipembedzwa ngenyasha dzake dzokuripirwa kuri munaJesu Kristu, uwo waakaemesa Mwari kuita mudiro wokuiyanisa, ngokugonda, ngengazi yake, kuti kuashirwe ngokugonda. Uku ndikwo kunoonisa kururama kwaMwari, ngokuti mukusengerera kwake wakafuratira zvishaishi zvakaitwa ngepamberi. Kwaiya kuonisa ngouyu mukuwo kuti iye pachake wakururama nokupembedza uwo unotenda munaJesu”. Mwari vakarurama. Kunyazwi zvakanyadaro, vanodusa zvishaishi zvevanhu. Vechivachenura.

Izvi zvinoshamisa yaamho. Ndima iyi aitipi Mwari vanongochenura vaya vanenge vareurura zvishaishi zvavo. Kana kuti vaya vanenge vakumbira kurekererwa. Haiwa, andizvopi. Shungu dzavo adzisiri pakungokukungurira zvega. Dziri pakuti usatomboshaisha. Izwi rokuti “kukungurirwa” rinoturikirwa kubva kuizwi reChigiriki. Izwi reChigiriki rakhona rinoti, “Aphiemi”. Rinoronza kusunhurwa. Saka Mwari vanotsvaka kuti usunhurwe kubva pazvishaishi. Usaramba uchishaisha.

Iwewe waa munaKristu Jesu. Ndizvo waa kururama kwaMwari. Kururama kwaMwari kwaa kuonekwa pouri. Zvakaitwa 13 ndima 38 ine mazwi einotironzera. Mazwi aya anoshamisa zvakanyanya. Inoti, “Ndizvo ngakuziikanwe kwomuri vamuna, hama, kuti kubudikidza ndiye uyu kunochumairwa kwomuri kurekererwa kwezvishaishi”. Mundima iyi mune izwi rinoti, “kurekererwa”. Izwi iri rinoronza kuchenurwa. Rinoronza kushambadzwa somunhu asina ndaa yaakapara. Rinoreva kusungunurwa kubva kuzvishaishi.

Asi apa atisiri kuronza kuduswa kubva munyara dzezvishaishi. Tinoronza kusunhurwa kubva pakushaisha. Kana kupuwa simba rekukona kusashaisha. Simba raSathani rakaduswa pouri. Saka ausisina kusungwa ngezvishaishi. Asi iwewe unokona kusunhurwa kubva pakushaisha. Unokona kuwana simba rekupona zvakarurama. Usikaiti zvakashata. Izvi zvinokoneka ere?

Eya! Jesu ndizvo zvevakauya kuzoita izvozvo. Vakatozviita vakazvipedza. Saka tinobonga Mwari. Ivo vakaitwa chishaishi. Vechitsvaka kuti isusu tive mwevari. Tizorurama saMwari. Izvi ndizvo zvetinoziiswa muna 2 VaKhorinte 5 ndima 21. Chishaishi achichakoni kukutonga. Izvi ndizvo zvetinoziiswa muna VaRoma 6 ndima 14. Tichatutsira kufunda izvi muchidzidzo chinoteera.

Kumbira Weiti
Baba vendinoda. Ndinomubonga. Mwakandisunhura kubva pakushaisha. Kristu Jesu ndivo vemwakashandisa kundisunhura kudaro. Vona ndivo vakandifira. Ngokudaro ndakachenurwa. Ndakasukwa. Zvishaishi azvichakoni kubatira pendiri. Ndinopona mukururama. Simba renyu rinoonekwa muzviro zveshe zvendinoita. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 6 ndima 14
2 Vakorinde 5 ndima 21
Vakorose 1 ndima 13 kusvika 14

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church