Pota Uchivandudza Kupona Kwako

Muvhuro, 26 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Budisai ndaa yenyu, unoronza Mambo Mwari. Budisai zvizatho zvenyu zvinesimba, unoronza Mambo waJakobe (Isaya 41 ndima 21).

Wakamboremba ngokuramba uri pandau imweyo mukupona ere? Dangani wakaringira kupona kwako. Ukabva waereketa wechiti, Ndagarisa kupona kwangu kuchingoa pandau imweyo. Ndaa kusisira kukuvandudza. Izvozvo zvakakosha yaamho. Unosisira kugara uchishuwira kukura. Unosisira kugara uchishuwira kubudirira. Isusu taa muna Kristu. Kupona kwedu kunogara kuchitutsira kunaka. Simba redu rekugonda ndiMwari rinogara rechitutsira. Nyasha dzinogara dzechitutsira petiri. Tinogara techitutsira kutodzana naMwari.

Inini ndinogara ndechitsvaka kuvandudza kupona kwangu. Ndinoronga zvendinoda kuita nguwa imwe ngaimwe. Uyezve ndinogara ndechibudirira pane zveshe zvendinoronga. Ndinotokasirisa kupedza kuzviita. Izvi zvakandidzidzisa chiro chakakosha. Chokuti kuronga zviro kunoshanda. Asi zvikuru sei, unosisira kuita zvewaronga zvakhonawo. Ndikwo kuti zviitike.

Kune vamweni vanhu. Vanhu ava vanoda kuti kupona kwavo kuvandudzike. Asi avana chevanoita kuti vavandudzike kudaro. Vanoemera kuti Mwari vavavandudze ivo. Izvozvo azvishandi. Mwari vane zvavo zvevanoita. Asi iwewe une zvounosisirawo kuita. Pinimidza ngepadera pomurimi. Murimi ndiye unorima munda. Ndiye unosima mbeu. Ndiye unodiridzira mbeu dziya. Asi aasiriye unomeresa mbeu idzi. Ivhu ndiro rinoita kuti mbeu dzimere. Dzichizomupa goho. Ivhu rinomeresa mbeu kana murimi achinge adzidzvara.

Saka mushando waMwari ngouri apa? Mwari ndivo vanoita kuti mbeu ikone kumera kwakhona. Ndivo vanoisa kupona mweiri. Asi ivhu rinoshamisawo. Mweriri mune simba raMwari. Mbeu ingasimwa mweriri. Mbeu iyi inozotanga yafa. Simba raMwari rechizoimusa zvekare. Asi chimbopinimidza ngepadera poumweni murimi. Murimi uyu ungasada kusima mbeu. Nguwa yokukukura inozouya. Vamweni varimi vanenge vaa kukukura. Asi murimi uyu unenge asina chokukukura. Ngokuti unenge asina chaakasima.

Izvi ndizvo zvinoitikawo pakupona. Iwewe ukasasima mbeu. Apanawo chounozokukura. Inini ndakazwisisa kuti ndine mbeu dzendinosisira kusima mumipinimidzo yangu. Ndine mbeu dzendinosisira kusimawo mumwoyo mwangu. Mbeu idzi dzinozondipa goho. Kunyanya, ndikazwisisawo kuti ndinokona kusima mbeu mumweya. Mbeu idzi dzinozondipa goho repamweya.

Ndizvo ita zviro zvinovandudza kupona kwako. Ita zviro zvinokupfumisa. Kune vamweni vanhu. Vanhu ava avasati vakambovandudzika. Vatoa nemakore mashanu kupona kwavo kuchingoa panhu pamwe. Ndizvo vaa kumashure kwenguwa. Nyika yavasiya. Ngokudaro avachaikoni. Yaa kutovakonzera. Iwewe ungasavandudza kupona kwako. Ungasavandudza mapinimidziro ako. Auzokoni kuhambirana nenyika. Tsanangura kuvandudza kupona kwako. Ita zviro zvichakudetsera kuvandudza remangwani rako. Zviite nyamashi chaiye.

Kumbira Weiti

Baba vendinoda. Andichadi kuti kupona kwangu kurambe kuri pandau imweyo. Ndinosima mbeu dzakanaka mumwoyo mwangu. Ndinosima mbeu dzakanaka mumipinimidzo yangu. Ndinosima mbeu dzakanaka mumweya. Ndinoshandisa simba reIzwi renyu. Ndechitungamirirwa ngeMweya Wakachena. Ndechivandudza kupona kwangu. Ndechirarama kupona kwemwakandirongera. Ndinomubonga. Simba renyu riri kushanda mwendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 3:12-14
VaRoma 12:2
Zvirevo 4:18

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church