Vanhu Vakaemera Iwewe

Svondo, 14 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Naye wakati kwavari, “Endai munyika dzeshe, muchumaire vhangeri kunezvisikwa zveshe. Iye unotenda abhabhatidzwe unozoponeswa; asi uwo usikatendi unozorashwa” (Marako 16 ndima 15 kuguma 16).

Mwari vaa kuda kuti tishande ngokukasira. Vanhu vari kutsvaka Mambo. Vaa kushuwira kuti vazie Mambo. Izvi zviri kuitika kweshe kweshe. Asi vanosisira kutanga vazwa Vhangeri. Ndikwo kuti vakone kuzia Mambo. Ndizvo panosisira kua neanovaziisa Vhangeri iri. Izvi ndizvo zvetinoona muna vaRoma yegumi ndima yegumi nerongomuna. Inoti, “Asi vangazoita makumbirirenyi kwaari uwo wevasikazi kutenda? Zve, vangazoita matenderenyi kwaari uwo wevasikazi kuzwa ndiye? Zve, vangazoita mazwirenyi pasina muchumairi?”. Iwewe ndiwe muchumairi wakhona.

Iwewe ndiwe wakatumwa ndiMwari. Ndiwe wevakatuma koodetsera vanhu ava. Denga rinotogonda ndiwe. Rinotarisira kuti iwewe ndiwe uchaziisa vanhu Vhangeri. Rinotarisira kuti iwewe ndiwe uchaonesa vanhu ava kuti Mwari vanovadakarira. Kutenderusa vanhu mushando. Mushando wakhona une vanhu vewakapuwa. Vanhu ava ngevaya vakatsandurwa dzinza. Vakaitwa vengazi yaKristu. Iwewe ungaa umweni wevanhu ava. Chirekera kuemera kushumwa. Wakatopuwa mushando uyu. Wakatotumwa kuuita. Izvi ndizvo zvetaerenga mundima yetabeura ndiyo. Usaemera kuti zviro zvitange zvanaka. Nguwa yakhona ndiyo ino.

Iwewe ungazoita mushando uyu. Ungasazozia kuwanda kwevanhu vangazodetsereka ukadaro. Dangani ungazotenderusa munhu umwe ega. Munhu uyu unozokonawo kutenderusa mhuri yake yeshe. Unozokona kutenderusa dhorobha reshe. Nokuti dzinza reshe. Munhu weshe wakakosha. Kuchumaira kweshe kwoungaita kune mushando. Izvozvo ngazvikutume kutenderusa vanhu. Chumaira wakadakara. Uchikasira. Nyika yakaemera iwewe.

Kumbira Weiti
Baba. Ndinomubonga. Mwakaisa Vhangeri munyara dzangu. Ndinoita somunhu anogonda ndimwi. Ndizvo ndinoashira mushando uyu. Ndinogumisa vhangeri iri kuvanhu veshe. Ndinoita izvi ndechidetserwa ngesimba reMweya Wakachena. Vhangeri iri rinoziisa vanhu kuti Mwari vanovadakarira. Rinoziisa vanhu ngezvenyasha dzaMwari. Inini ndini muemereri wenyu. Ndini ndinoonesa vanhu kuti Mwari vanovadakarira. Ndini ndinoziisa vanhu gwinyiso renyu. Ndizvo ndinoita kuti vakawanda vasunhurwe. Vechiduswa muchidima. Vechipinzwa munyika yaMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mateo 28:19-20; 1 VaKorinte 9:16-17 NKJV; VaRoma 10:13-15

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)