Iva NeMoyo Uzere Hanya

Chipiri, 17 Kukadzi 2026,

*TAVA KUTSVAKA MUTADZI WEKUPEDZISIRA!. Mari yako inogona kutibatsira pabasa iri. Itume neEcoCash kuTNI Zimbabwe pa *151*2*7*58225# (Nyora Assembly seshoko rimwe chete)*

"Vakaropafadzwa vanochema. Nokuti vachanyaradzwa" (Matiyo 5 ndima 4).

Ishe Jesu ndivo vakataura mashoko atavhura nawo. Vakanga vasiri kutaura vanhu vanochema nemarwadzo. Vakanga vari kutaura semuvoni. Tinovona vavoni muSungano yeKare. Vavoni ava vaipota vachichema. Asi vaisachema nhamo dzavo. Vaichemera vanhu vaMwari. Vachitsvaka kuti vanhu ava vayanane naMwari. Vachitsvaka kuti vanhu ava vabve muhutapwa. Vavoni ava vainyengeterera vanhu ava. Vachichema. Vachichemera mweya yavo. Vachitsvakavo kuti zita raMwari rikudzwe.

Saka apa Ishe Jesu vaitaura nezve vanhu vane moyo inoshingairira Mwari. Ivo vaya vanokoshesa zvinhu zviri pamoyo paMwari. Kuchema kwavo ndiko kunoitwa nevanhu vanofarira vanhu. Kunoitwa nevanhu vane hanya nevanhu. Hakuitwi nevanhu vanochema havo nhamo dzavo. Asi vane moyo yakaita seyaMwari. Ivo vaya vasingadi kuvona mweya yevanhu yakanyangara. Vasingadi kuvona dzinyika dzichiramba Mwari.

Saka iwe unganzwa kuti mumwe munhu abuda musangano. Kana kuti atonhora. Moyo wako unobva warwadza. Wobva wamunyengeterera. Unozochema kuna Mwari. Uchitsvaka kuti asungunurwe. Asi tinotenda Mwari. Mwari vanovimbisa kudavira vanhu vakadai. Vanovimbisa kuvanyaradza.

Vanozoponesa munhu uya. Vanozogadzirisa hupenyu hwake. Izvozvo zvichibva zvazokunyaradza. Mwari vanobatwa moyo neminyengetero yakadai. Iwe ungava uri kunamata. Dzimwe nguva unopererwa nemashoko. Misodzi yako ndiyo yoga inenge yava kutaura. Ikoko ndiko kuchemera mweya yevanhu. Mweya wako uchigomera. Dzimwe nguva moyo wako unoremerwa chaizvo. Saka unenge wava kungofemereka. Uchisvimha misodzi. Uchinyengeterera vanhu. Izvi ndizvo zvatinovona muna Varoma yesere ndima yemakumi maviri netanhatu.

Simba raMweya Mutsvene rinobva ratanga kushanda pakadai. Izvi zvinhu zvakasiitika kwandiri kakawanda. Ndine vanhu vandakasinyengeterera nenzira iyi. Vanhu vacho vakawanda chaizvo. Vamwe vavo vava vashumiri veRuponeso nhasi. Vamwe vava vatungamiriri mumasangano. Vamwe vavo vaiva netsika dzakashata. Vamwe vakanga vasina kunatsa kuzvipira kunamata. Vamwevo ndivo vaitambudzwa nezvakasiyana siyana. Mabasa avo asiri kuvapa mari yakanaka. Ini ndainyora mazita evanhu ava pasi. Ndovanyengeterera. Ndichisvimha misodzi.

Vanhu vose ava vashanduka zvino. Saka ndinofara. Ndakanyaradzwa. Moyo wako ngauve nehanya nevanhu. Ndiko kuti ufanane nemoyo waMwari. Minyengetero yako inozogadzirisa zvinhu. Iwe uchizonyaradzwa. Saka iva nemoyo munyoro. Moyo wako ngaufarire vanhu. Ngauve nehanya. Ngaukutume kunamata.

Namata Uchiti
Baba vandinoda. Ndinokutendai. Makandipa moyo une hanya nevanhu. Saka ndinogara ndichinyengeterera vakarasika. Ndinogara ndichinyengeterera vasina simba. Nevaya vatsauka. Nokudero hupenyu hwevanhu hunogadziriswa. Vanhu vakawanda vachiwedzerwa munyika yenyu. Ndinokutendai. Munodavira minyengetero yangu. Saka ndinonyaradzwa zvikuru. Muzita raJesu. Ameni.

Dzimwe Ndima Dzinotsigira Chidzidzo ChaNhasi
Ezekieri 9:4; VaRoma 9:2-3; Isaya 66:10; Mapisarema 119:136

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church