Wakatsaurwa NaMwari



China, 29 Ndira 2026



*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze



"Tichitarisira chiropafadzo chiya. Chekudzoka kwaMwari wedu vakuru. Ivo Muponesi wedu. Jesu Muponesi. Ivo vakafa pataifanira kufa isu. Vachitsvaka kutidzikinura kubva pazvivi zvose. Nekutisuka. Tive vanhu vavo. Vakasiyana nevenyika ino. Vanoshingaira kuita mabasa akanaka" (Taitasi 2 ndima 13 kusvika 14).

Mapisarema yezana nemakumi matatu neshanu ndima yechina inotaura zvinoshamisa chose. Inoti, "Nokuti Jehovha akasarudza Jakobho kuti ave wake, naIsraeri kuti ave pfuma yake". Izvi ndizvo zvawakaitwavo iwe. Uri fuma yaMwari. Wakasarudzwa. Wakaereswa. Wakaitwa werudzi rweVamwari. Mwari vakakusanangura. Vakaita kuti uve werudzi rweVamwari. Vachitsvaka kukushandisa kuita mabasa avo.

Vaefeso yekutanga ndima yechina inoti, "Nokuti vakatisarudza nyika isati yavambwa. Kuti tive muna Muponesi. Tive vanhu vanoera. Vatsvene. Vasina chavangapomerwa pamberi paMwari. Vanofarirwa naMwari". Iwe chimbofunga pamusoro peizvi. Iwe wakaropafadzwa chose. Hausati wava kutoziva kuwanda kwemaropafadzo ako. Saka zvivone semunhu akakosha. Koshesa zvawakapiwa naMwari. Usazvivonera pasi. Usazvivona sevanhu venyika ino. Ishe ndivo vakaronga kuti uve munhu mukuru.

Hapana zvigunwe zviviri zvakafanana pasi rose. Hapana vanhu vaviri vakafanana. Zvino Mwari vanoda kuvonekwa muhupenyu hwako. Vanoda kuvonekwa nenzira yavasingagoni kuvonekwa pahupenyu hwemumwe munhu. Iwe wakasiyana nevamwe vanhu vose. Mwari vakakusanangura.

Tsamba yekutanga yaPita chitsauko chechipiri ndima yepfumbamwe inoti, "Asi imi muri rudzi rwakasanangurwa. Madzimambo. Vapiri. Rudzi rutsvene. Vanhu vaakazviwanira. Kuti vanokuvonai varumbidze Mwari. Ivo vakakutorai. Vakakubvisai murima. Vakakupinzai muchiedza chavo chinoshamisa".

Simba raMwari riri mukati mako. Simba iri rinogara richiwedzera. Shoko raMwari ndiro rinoita kuti simba iri riwedzere. Saka ungadzidza Shoko raMwari. Kana kurinzwa. Shoko iri rinenge riri kushumira kwauri. Richikuvandudza. Richikuita zvinoitwa ndarama. Richiita kuti upenye.

Gara pfungwa dzako dziri paShoko raMwari. Shoko iri ngarigare riri mupfungwa dzako. Uchiridzeya mumoyo mako. Simba raMwari rinozowedzera mauri. Humwari hwako huchiwedzera kuvonekwa. Iwe ungatarisa muShoko iri. Unozozviona muShoko iri. Unozozviona uri munhu werudzi rweVamwari. Izvi ndizvo zvauri chaizvo. Ndiwo mavonero aunofanira kuzviita iwe. Unoera. Wakaisvonaka. Wakasukwa. Wakaruramiswa. Hareruya!

Namata Uchiti

Baba vandinoda. Ndinokutendai. Makandiita fuma yenyu. Ndiri fuma yenyu inokosha. Ndakatsaurirwa imi. Ndiripo kurarama hupenyu hweVamwari. Ndichiita mabasa eVamwari. Ndava muna Muponesi. Saka ndakashanduka rudzi. Ndava kuera. Ndakaisvonaka. Ndakaruramiswa. Ndiri Mumwari. Ndinogara ndakatarisa muShoko renyu. Shoko iri ndiro randinoshandisa pakurarama kwangu. Nokudero runako rwenyu runovonekwa pandiri. Kururama kwenyu kunovonekwa pandiri. Muzita raJesu. Ameni.

Dzimwe Ndima Dzinotsigira Chidzidzo ChaNhasi

VaEfeso 2 ndima 10

Vaefeso 1 ndima 4 AMPC

2 Timoti 1 ndima 9 TPT



(Chidzidzo ichi chatorwa kubva mu:

Rhapsody of Realities (Shona)

Rinonyorwa na:

Mufudzi Chris Oyakhilome DSc DD.

Munoriwana pa: https://rhapsodylanguages.tniglobal.org/regions/

Zvimwe zvidzidzo munozviwana pa: https://bit.ly/Shona_Church)