Kusenza KweSoko Riri Munewe

Muvhuro, 2 Kurume 2026,

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise*

"Kune iwawo Mwari awo wangoda kuti waziwe upfumi hwekupenya hweshidozezwa ishi pakati pewasiri waJudhaba; shekuti Kristo munemwe, tariro yekupenya(WaKorose 1 ndima 27).
ShiKristo shediko kusenza kweSoko riri mukati mako. Kana urutawura, hiSoko; kana urundosenza, hiSoko. MuKristo mufananidzo weSoko, kusvika pakuti danho rimwe ngerimwe iro ungotora, ngezviro zvetse izvo ungoyita, kungonga kurusenza kweSoko raMwari mukati mako.
Ndizvo zvidonga zvidoyita Yeso apo wadofamba patsi rinori, wadonga wariwo Soko ridoyitwa nyama riyibva rakara pakati pasu(Yohane 1 ndima 14). Wadonga wari kuwonekwa kwaMwari pamhene. Saka upenyu hwako kuwonekwa kweSoko, ngekuti udobarwa ngeSoko rimwe irero. "Kubarwa patsva, hayikona ngembewu ingopararaba, asi ingokara, ngekusingaperiba(1 Pita 1 ndima 23)
2 WaKorinde 3 ndima 2-3 ingotawura kuti Muri tsamba dzidonyorwa mumwoyo masu, dzingozikanwa ngekuwerengwa ngewanhu wetse: Zvino mudowonekwa ngekutawurwa kuti muri tsamba dzaKristo dzidogadzirwa ndisu, dzidonyorwa, hayikona ngeingiba, asi ngeMwiya waMwari mupenyu-isiri pamahwendefa emahweba-asi pamahwendefa enyama emwoyo." Tsamba yaKristo hiSoko raKristo.
Ndiyo ndawa tiyiti tiri kupenya kwekupenya kwawo, kuwonekwa kwekururama kwawo. Apo ungosvika, Kristo wangonga wasvikawo ipapo. Izvo wari, ndizvo uriwo munyika munomu (1 Yohane 4 ndima 17). Ndiwe ungowonesa kunaka kweruziwo rwawo, nyasha ngesimba munzvimbo dzetse (2 WaKorinde 2 ndima 14).Mwari ngawakomborerwe! Ndiwe Kristo mupenyu munyika yako nyamusi. Wangozvipangidza kunyika kuburikidza ndiwe—rudo rwawo, simba rawo, tsitsi ngenyasha zvawo. Kara uyiziwa izvi.

Pupura Uyiti
Baba wangodikanwa, ndingokutendani ngekundiyita tsamba yanu mhenyu, ingozikanwa ngekuwerengwa ngewanhu wetse. Upenyu hwangu ndiwo ungowonesa kupenya kwaKristo. Upenyu hwaMwari hungobuda kuburikidza ndini, ndingowunzawo wanhu kuupenyu uhwu kuburikidza ngeVhangeri. Ruziwo rwawo, nyasha, simba ngeungwaru zvingowonekwa munene ngekuburikidza ndini, muZita raYeso. Ameni.
Dzina Ndima Dzekuwerenga Dzingotsinhira Shidzidzo Shenyamusi
Jemusi 1:18; 2 Vakorinde 3:2-3 NKJV; Vakorinde 2:14 AMPC

(Zvafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church