Izwi RaMwari Rinosisira Kuonekwa PaKupona Kwako

Muvhuro, 2 Kurume 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

“Kwavari Mwari wakatsanangura kuti avaziise icho chiri upfumi hwouthende hwechakafishika pakati pevemadzinza, ndiye Kristu mukati mwenyu, gonda routhende” (VaKhorose 1 ndima 27).

Izwi raMwari rinosisira kuonekwa pakupona kwako. Ukwokwo ndikwo kurarama kupona kweVamwari kwemene. Ndizvo ungaereketa. Izwi raMwari ndiro rinosisira kuzwikwa. Ukaita zviro, Izwi raMwari ndiro rinosisira kuonekwa. Rinosisira kuonekwa muzviro zveshe zvoungaita.

Mambo Jesu vakambopona vari munyika muno. Izwi raMwari ndiro rega raingoonekwa pevari. Izvi ndizvo zvetinoziiswa muna Johani yokutanga ndima yegumi nerongomuna. Inoti, “NeIzwi wakaita munhu, wakagara pakati pedu. …”. Mwari ndivo vaionekwa pana Jesu ava. Izwi raMwari ndiro rakakubara. Izvi ndizvo zvetinoziiswa mutsamba yaPetro yokutanga chitsauko chokutanga ndima yemakumi mairi nenhatu. Inoti, “Imwimwi mwakabarwazve patsva, haiwa ngembeu inoora, asi ngesikaori, kubudikidza ngeizwi raMwari rinopona mhera nariini”. Ndizvo Izwi raMwari ndiro rinosisirawo kuonekwa pakupona kwako.

Iwewe waa tsamba yaKristu. Vanhu vaa kuerenga ngezvaKristu pouri. Izvi ndizvo zvetinoziiswa mutsamba yechipiri kuvaKhorinte chitsauko chechitatu ndima yechipiri kuguma yechitatu. Inoti, “… muri tsamba yaKristu, yakashandwa tisu, isikazi kunyorwa ngeinki, asi ndiMweya waMwari unopona, isikazi kunyorwa pamarusamba emapuwe, asi pamarusamba omwoyo yenyama”. Vhangeri ndiro tsamba yaKristu.

Tisu tsamba yaKristu iyi. Ndiyo ndaa Mwari vechionekwa petiri. Ndiyo ndaa kururama kwavo kuchionekwa petiri. Ndizvo iwewe ukaguma pandau, vanhu vanobva vatoona Kristu pandau iyi. Tichiri munyika muno hedu. Asi takatodzana naKristu panezveshe. Izvi ndizvo zvetinoziiswa mutsamba yaJohani yokutanga chitsauko chechirongomuna ndima yegumi nechinomwe. Vanhu vanoziira Kristu pouri. Vanoona mazano aKristu pouri. Vanoona nyasha dzaKristu pouri. Vanoona simba raKristu pouri. Izvi ndizvo zvetinoziiswa mutsamba yechipiri kuvaKhorinte chitsauko chechipiri ndima yegumi nechirongomuna. Mwari ngavakudzwe! Vanhu vomunyika muno vanotokuona saKristu. Vanoona rudo rwaKristu pouri. Vanoona simba raKristu pouri. Vanoona shungu dzaKristu pouri. Vanoona nyasha dzaKristu pouri. Chizwisisa kuti ndiwe Kristu anozikanwa ngevanhu vomunyika muno.

Pupura Weiti
Baba vendinoda. Ndinomubonga. Mwakandiita tsamba yenyu. Vanhu vanoerenga ngezvenyu pendiri. Simba raKristu rinoonekwa pakupona kwangu. Ndinoonekwa kuti ndiri munhu wedzinza reVamwari. Ndinoita kuti vamweni vatsandukewo dzinza. Vave vengazi yaKristu. Vhangeri ndiro rendinoshandisa kuvatsandura dzinza kudaro. Vanondiona vanogumisira vaa kuzwisisa Mwari. Vanoona nyasha dzenyu. Vanoona simba renyu. Vanoona mazano enyu. Vanoona kururama kwenyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi
Jemusi 1:18; 2 Vakorinde 3:2-3 NKJV; Vakorinde 2:14 AMPC

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church