Wakatumwe SeChapupu

Svondo, 1 Kurume 2026,

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze*

“Kune munhu akatumwa. Akatumwe ndiMwari. Zita rake aizi Johane” (Johane 1 v 6).

Umweni munhu angareketa echiti, “Mwari akandituma”. Asi kunehe amweni anopokana nazvo. Anoti hapanaba munhu anofanira kureketa achidaroba. Asi Magwaro anotitendera kureketa tichidai. Tinozviona mumasoko aIshe Jesu. Tinoerenga masoko acho muna Johane 20 v 21. Inoti, “Ndaa kukutumaiwo. Kuite basa randakatumwe ndiBaba angu”. Johane akanga akatumwawo ndiMwari. Izvi ndizvo zvataona muvhesi yatabeura nayo. Iwe wakafananavo naJohane uyu. Wakatumwawo ndiMwari. Wakatumwahe sechapupu. Wakapuwa simba raMweya Mutsvene pawakatumwe kudai.

Iwe hausi kungombeya nenyika inoba. Unotowa nebasa rauri kufanire kuita. Mwari ndiwo akakutuma kuita basa racho. Uri nhume yaMwari. Izvi ndizvo zvatinoziyiswa mutsamba yechipiri kuVakorinde chapta 5 v 20. Inoti, “Saka tiri amiririri aMuponesi. …”. Wakatware chiedza. Unotowa chiedza. Izvi ndizvo zvatinoziyiswa muna Matiyo 5 v 14. Inoti, “Imi ndimi chiedza chenyika. …”. Wakatumwe kuzope anhu chiedza. Uchiavhenekere munzira dzawo. Uchiunze chiedza chesoko reRuponeso kudzinyika.

Une basa rawakabarirwa. Saka usarekeraba anhu achikunyeperaba. Achiti hauna chawakagarire panyika panoba. Wakauye kuzopupurire Jesu kuanhu. Anhu anofanire kuona Mwari pahupenyu hwako. Saka unofanire kuita kuti anhu awe adzidzi aJesu. Tenzi haanaba kundokupangira kutendeuse anhu. Anoda kuti uaite adzidzi awo. Izvi ndizvo zvatinoona muna Matewu 28 v 19 kusvikira 20. Inoti, “Saka endai henyu. Fundisai marudzi ese. Muapinze muzita raBaba. Rinowa zita reMwanakomana, nere Mweya Mutsvene. Muafundisehe kuite zvese zvandakakupangirai imi. Ini ndichange ndiinemwi. Kwese kwamuchaenda. Kusvikira nyika ino yaguma”.

Saka ungasvitse Ruponeso kuanhu. Anhu aya anofanire kubva akuteera. Achiongorore kuwimba kwako naMwari. Achikuteedzerawo. Anofanirawohe kukuteera muSoko raMwari. Anofanire kunamata sewehe. Anofanirahe kushumira Mwari sewe. Anofanirawo kuteera waunoteera iwe. Kurewa kuti anofanira kuwa nhengo dzechechi yeunopinda iwe. Izvi ndizvo zvaizwisiswa naPauro. Tinoerenga masoko ake mutsamba yekutanga kuVakorinde chapta 11 v 1. Inoti, “Koperai zvandinoita. Seni ndichikoperawo Muponesi”. Unofanira kutungamirire anhu mugwanzi rauri kuhamba iwe. Izvozvo ndizvo zvinoita adzidzi chaiwo. anoita kuti amweni anhu awewo adzidzi. Saka zvipire kutendeuse anhu. Une basa rawakapuwa. Mwari ndiwo akakupa basa iri. Shinga kuita basa racho. Utendeke kuriita.

Namata Uchiti
Baba andinoda. Ndinokutendai. Makandituma sechapupu chenyu. Munode kuti ndipupurire anhu andinosongana nawo. Ndinorarame muchiedza cheSoko renyu. Simba renyu rinogara richionekwa pandiri. Ndinoita kuti anhu awe adzidzi enyu. Ndinoshandisa simba raMweya Mutsvene kuite izvi. Ndichiafundisa hupenyu hwekururama. Ndakashinga kuita basa rangu. Ndakatendeka kuriita. Muzita raJesu. Ameni.

Dzimweni vhesi Dzinotsigira Chidzidzo Chanamasi
Ruka 24:45-48; Mabasa 1:8; Mabasa 5:29-32

(Chidzidzo ichi chatorwa kubva mu:
Rhapsody of Realities (Chigarwe)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church