Wakatumwa SeChapupu

Soto, 1 Kurume 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

“Kwaiyapo munhu wakatumwa ndiMwari, zina rake raiya Johani” (Johani 1 ndima 6).

Umweni munhu ungaereketa eiti, “Mwari vakandituma”. Asi kune vamweni vasikatenderani nazvo. Vanoti akuna munhu unosisira kuereketa eidaro. Asi Zvinyorwa zvinotitendera kuereketa teidaro. Tinozviona mumazwi aMambo Jesu. Tinoerenga mazwi akhona muna Johani yemakumi mairi ndima yemakumi mairi naimwe. Inoti, “Kudai ngezvaakandituma Baba, ngokudaro ndinomutumawo”. Johani waiya akatumwawo ndiMwari. Izvi ndizvo zvetaona mundima yetabeura ndiyo. Iwewe wakatodzanawo naJohani uyu. Wakatumwawo ndiMwari. Wakatumwa sechapupu. Wakapuwa simba reMweya Wakachena pewakatumwa kudaro.

Iwewe ausiri kungombeya nenyika ino. Unotoa nomushando wouri kusisira kuita. Mwari ndivo vakakutuma kuita mushando uyu. Uri mutumwa waMwari. Izvi ndizvo zvetinoziiswa mutsamba yechipiri kuvaKhorinte chitsauko chechishanu ndima yemakumi mairi. Inoti, “Ndizvo tinoita vaemereri vaKristu. …”. Wakatakura kujeka. Unotoa kujeka. Izvi ndizvo zvetinoziiswa muna Mateu yechishanu ndima yegumi nerongomuna. Inoti, “Imwimwi muri kujeka kwenyika. …”. Wakatumwa kuzopa vanhu kujeka. Uchivavhenekera munjira dzavo. Uchiunza kujeka kweVhangeri kudzinyika.

Une mushando wewakabarirwa. Ndizvo usarekera vanhu vechikunyepera. Vechiti auna chewakagarira munyika muno. Wakauya kuzopupurira Jesu kuvanhu. Vanhu vanosisira kuona Mwari pakupona kwako. Ndizvo unosisira kuita kuti vanhu vave vadzidzi vaJesu. Mambo avazi kungokupanga kutenderusa vanhu. Vanoda kuti uvaite vadzidzi vavo. Izvi ndizvo zvetinoona muna Mateu yemakumi mairi nechisere ndima yegumi nepfumbamwe kuguma makumi mairi. Inoti, “Ndizvo endai, mwechiita vadzidzi kumadzinza eshe, mwechivabhabhatidza ngezina raBaba neroMukororo neroMweya Wakachena, mwechivadzidzisa kungwarira zviro zveshe zvendakamupanga; penyai, ndinemwi mazuwa eshe metsa kuguma kwenyika”.

Ndizvo ukagumisa Vhangeri kuvanhu, vanhu ava vanosisira kubva vakuteera. Vechiongorora kugonda kwako ndiMwari. Vechikuteedzerawo. Vanosisira kukuteera muIzwi raMwari. Vanosisira kukumbira sewe. Vanosisira kushandira Mwari sewe. Vanosisirawo kuteera wounoteera iwewe. Kuronza kuti vanosisira kua nhengo dzechiara chounopinda iwewe. Izvi ndizvo zvaizwisiswa ndiPhauri. Tinoerenga mazwi ake mutsamba yokutanga kuvaKhorinte chitsauko chegumi nachimwe ndima yokutanga. Inoti, “Itai vaedzereri vangu, kudai ndiniwo ndiri muedzereri waKristu”. Unosisira kutungamirira vanhu munjira youri kuhamba iwewe. Izvozvo ndizvo zvinoita vadzidzi vemene. Vanoita kuti vamweni vanhu vaitewo vadzidzi. Ndizvo zvipire kutenderusa vanhu. Une mushando wewakapuwa. Mwari ndivo vakakupa mushando uyu. Shinga kuita mushando wakhona. Ugondeke kuuita.

Kumbira Weiti
Baba vendinoda. Ndinomubonga. Mwakandituma sechapupu chenyu. Munoda kuti ndipupurire vanhu vendinoshongana navo. Ndinopona mukujeka kweIzwi renyu. Simba renyu rinogara rechionekwa pendiri. Ndinoita kuti vanhu vave vadzidzi venyu. Ndinoshandisa simba reMweya Wakachena kuita izvi. Ndechivafundisa kupona kwokururama. Ndakashinga kuita mushando wangu. Ndakagondeka kuuita. Muzina raJesu. Ameni.

Dzimweni Ndima Dzinotsinhira Kufunda KwaNyamashi
Ruka 24:45-48; Mabasa 1:8; Mabasa 5:29-32

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church