Nzero Dzewadorurama

Svondo, 26 Gumiguru 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Ashayenda pamberi pashe mumwiya ngemusimba raEriya, kuti adzokese mwoyo yawana bambo kuwapwere, ngekutizve wasingatereri wadzokere kunzero dzewadorurama, kuti agadzirire wanhu wadogadzirira Tenzi (Ruka 1 ndima 17).

Wona kuti inzwi rekuti kutsatereraba mundima iyo tawamba ndiyo ringotawura zvidonyangara zvingobuda pakuramba kuterera. Mumatawuriro eshiGiriki, zvingotawura munhu ane nharo, adowoma mutsoro, shandagwinyira angotsarudza kuyita zvisirizvoba ayitoziwa hashe. Muhupenyu tine wanhu wadosharo.

Wanhu wadosharo awa hawabvumi shiroba kana dayi warutoziwa hawo diko rasho irero. Hawatereri kuSoko raMwariba, apa Soko raMwari ndiro nzero dzaMwari. Saka Bhayibheri ringoti, mwoyo yawo ingofanira kudzokeswa kunzero dzewadorurama. Nzero dzewadorurama kubvuma kuzvipa kuSoko raMwari. Nzero dzewadorurama hadziwomesi mutsoroba.

Tondera zvingotawurwa ngeBhayibheri pamutsoro pewapwere weIzirayiri muSungano yeKara: wadombunda kupinda muzororo raMwari ngekuda kwekuwoma mutsoro kwawo. Asi nzero dzewadorurama hadzisharoba, dzingoterera kuSoko raMwari dziyiritambira ngemufaro. Dzingomana kugadzirisa zviro zviyinangana ngezviri muSoko raMwari.

Mwari waruda kuti mwoyo yewasingatereriba idzokeswe kunzero dzewadorurama. Nzero idzi mushiGiriki dzingonzi phronesis. Himhando dzenzero dzepamutsoro shayidzo. Ukabvuma kugadziriswa ngekufambiswa ngeSoko raMwari ringowumba hupenyu hwako ngehurongwa ngetsarudzo dzetse ungoyita. Hazvina ndawa kuti shiro shiruwoneka senyi, iwewe ungondotedzera zvirutawurwa ngeSoko basi. Ururarama zvingoyenderana ngeSoko raMwari. Ndidzo nzero dzewadorurama idzedzo.Hareruya!

Munamato

Baba awo ndingoda, ndingokutendani ngenzero dzewadorurama dzirusenza munene. Mwoyo wangu ungokara udovhurika ngekudayira kuSoko ranu. Ndingobvumira kudiko ranu ngekutongwa ngerudo rwanu. Nzero dzanu dzingoyita kuti ndifambe munzira dzewadorurama ngekurarama mukuda kwanu mazuwa etse. MuZita raYeso. Ameni.

Dzina Ndima Dzekuwerenga Dzingotsinhira Shidzidzo Shenyamusi:
Jemusi 3 ndima 17
Ruka 1 ndima 17 NIV

(Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church