Mazano EVakarurama

Soto, 26 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Naye unozohamba pamberi pehope yake ngomweya nesimba raErija, kutenderudzira mwoyo yemadzibaba kunevana, nevasikapurutani kuti vahambe mukungwara kwevakarurama, kunasirira vanhu kuti vaite vakanasirirwa Mambo Mwari (Ruka 1 ndima 17).

Mundima iyi mune izwi rinoti, kusapurutana. Izwi iri rinoronza ngepadera pomunhu. Munhu wakhona ngeuya une nharo. Wakaoma soro. Munhu uyu unokona kunge echizia gwara rakanaka. Asi iye otsanangura rakashata rakhona. Vanhu vakadaro vanotoayo.

Vanhu vakadaro vane nharo. Vangazia havo gwinyiso. Asi avadi kuriashira. Avadi kuashira Izwi raMwari. Izwi raMwari ndiwo mazano aMwari. Mwoyo yevanhu ava inosisira kutenderuswa. Iashire mazano aMwari. Izvi ndizvo zvinoronza Bhaibheri. Ndizvo munhu ungaa nemazano aMwari. Munhu uyu unozoashira Izwi raMwari. Unozokona kuashira mazano akanaka.

Mwari vane zvevakamboereketa. Apa vaiya vari kuronza ngepadera pevana vaIsuraeri. Tinoerenga mazwi avo aya muChitenderano cheKaretu. Vanoti vana ava vaiya vakaoma masoro. Ndiyo ndaa vasikazi kukona kupinda muzororo raMwari. Vane mazano aMwari avadaro. Vanokasira kuashira Izwi raMwari. Avanonoki kuriashira. Vanoriashira vakadakara. Vechitora zvinoronza Izwi iri. Vechisiya zvinopesana naro.

Mwoyo yevasikapurutani inosisira kutenderuswa. Inosisira kuashira mazano evakarurama. Izvi ndizvo zvinodiwa ndiMwari. Mazano aMwari ndiwo akanyanya kunaka. Iwewe ungaa nemazano aya. Unozokona kutsandurwa ngeIzwi raMwari. Rechiumba kupona kwako. Rechikudetsera kuronga zviro zvako. Usikachengedzerwi ngezvounoona ngemadziso. Uchingoashira zvinoronza Izwi raMwari zvega. Uchipona zvinowirirana neIzwi raMwari. Hareruya!

Kumbira Weiti
Baba vendinoda. Ndinomubonga. Mwakandipa mazano evakarurama. Mazano aya ndiwo endinoshandisa pakupona kwangu. Mwoyo wangu unogara wakavhurika. Uchiashira Izwi raMwari. Uchiita zverinoronza. Inini ndinoashira gwinyiso renyu. Rudo ndirwo runotungamirira zvendinoita. Mazano enyu ndiwo anoita kuti ndipone mukururama. Ndechipona ngenjira yomunoda imwimwi nguwa dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jemusi 3 ndima 17
Ruka 1 ndima 17 NIV

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church