Yeso—Kukwana KweHuMwari Hwetse Huri Munyama

Chishanu, 27 Zvita 2024

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

"Ngekuti zvidofadza Baba kuti maari muwe ngekukwana kwetse." (WaKorose 1 ndima 19).

Mwari Baba, Murumbwana naMwiya Mutsvene wetse wangowonekwa muna Yeso. Umwe ngeumwe wehuMwari hutatu uhwu ane hunhu hundori hwashe basi. Asi Yeso ndiwo kuwonekwa panyama kwehuMwari hutatu uhwu. Wangobatanidza zvidokwana Baba, Murumbwana naMwiya Mutsvene. WaKorose 1 ndima 19 yati, "Ngekuti zvidofadza Baba kuti maari muwe ngekukwana kwetse." WaKorose 2 ndima 9 ingoyenderera mberi iyiti, "Ngekuti maari(Yeso Kristo) mungokara kuzara kwetse kwehuMwari kuti munyama."

Izvi zvirutawura kukwana kwetse kwehuMwari, kukwana kwetse kwehuMwari hutatu kuri mumwiri wenyama muna Yeso. Kana uyida kuwona Baba, Murumbwana naMwiya Mutsvene mumwiri umwe, wari muna Yeso. WaHebheru 1 ndima 1 kusvika 3 ingosimbisa izvi iyiti, "Mwari, awo dzina nguwa ngenzira dzidosiyana wadotawura kara kumadzibambo ngemaporofita, mumazuwa ano ekugumisira wadotawura kwatiri ngeMurumbwana wawo, wawadoyita mukari wenhaka wezviro zvetse, wawadosika naye nyika. Iye shiyedza shekubwinya kwashe ngemufananidzo washe pachashe...."

Ngeena masoko, Yeso ndiwo mumiririri chayiye waMwari wadofanana nawo. Yeso pashawo wadoti muna Yohane 14 ndima 10, "Baba wari mandiri, inene mawari." Izvi zvingosimbisa pfungwa yekuti Yeso ndiwo kuwonekwa kwaBaba. Ukawona Yeso, ungonga wawona Baba. Muna Yeso ndimo mune hunhu ngezvetse zvaBaba. “…uyo wawona inene wawona Baba.....” Izvi zviri muna Yohane 14 ndima 9.

1 Timoti 3 ndima 16 ingonyatsa kupendera iyiti, "Hapana ungopikisana ngekukura kweshidozezwa shehumwari ishiba: Mwari wadopangidzwa munyama, wadoruramiswa muMwiya, wadowonekwa ngengirozi ,wadoparidzwa kuwanhu wasiri waJudhaba, wadotenderwa mawari ngenyika wayibva wagashirwa kudzawuru mukupenya." Wona kuti parunzi, "wadowonekwa ngengirozi." Ngirozi dzidonga dzisina kumbobvira dzawona zvidoyita Mwari Bababa,dzidowawona kekutanga padowuya Yeso. Yeso wadoyita kuti Mwari wasingawoneki wawonekwe kana ngewekudengawo, wayipangidza pamhene shidozezwa shehuMwari hutatu. Mwari ngawakudzwe!

Namata Uyiti

Baba wandingoda, ndingokutendani ngekuwonekwa kwaYeso,ngezvawari-kuwonekwa munyama kwehuMwari hwetse. Mawari mungokara kuzara kwetse kwekunaka kwaMwari,masimba ngehuMwari hwetse, kuwonekwa kunza kwaMwari wasingawonekiba. Ndiwo wadokomborerwa wariwo wega mutongi, mambo wawana mambo naMwari mukuru, naMuponisi wasu Yeso Kristo. Ameni.

Dzina Ndima Dzingotsinhira Shidzidzo Shenyamusi
Vakorose 2 ndima 9
Vahebheru 1 ndima 3
Johane 14 ndima 5 kusvika 11

(Chidzidzo ichi chatorwa kubva mu ndima
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church