Jesu Ndivo Vakatakura Vamwari Veshe

Chishanu, 27 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Ngokuti mwaari kudzara kweshe kwaMwari kwakadakara kugaramwo " (VaKhorose 1 ndima 19).

Kuna Mwari Baba. NaMwari Mwanakomana. NaMwari Mweya Wakachena. Vatatu ava vakagara varipo. Uyezve vachagara varipo. Asi veshe vanoonekwa pana Jesu. Umwe ngaumwe wavo une mushando wake. Une mashandiro ake. Asi veshe vanoonekwa pana Jesu. Pana Jesu ndipo pevanoonekwa vane muiri womunhu wenyama. Ndizvo Mwari Baba vanogara munaJesu. Mwari Mwanakomana vanogara muna Jesu. Mwari Mweya Wakachena vanogara muna Jesu. VaKhorose 1 ndima 19 inoti, “Ngokuti mwaari kudzara kweshe kwaMwari kwakadakara kugaramwo”.

Saka Vamwari veshe vanogara munaJesu. Pana Jesu ndipo pevanoonekwa vari munhu wenyama. Saka iwewe ungada kuona Mwari Baba. Ungada kuona Mwanakomana. Ungada kuona Mweya Wakachena. Unovaona pana Jesu. VaHebheru 1 ndima 1 kuguma 3 inotsinhirawo izvi. Inoti, “Karetu Mwari wakaereketa kumadzibaba edu ngenguwa dzakawanda nenjira dzakaparadzana ngevaprofeti, pamazuwa aya okupedzisira wakaereketa kwetiri ngoMukororo wake, uwo waakaemesa kugara nhaka yezviro zveshe, kubudikidza ndiyezve wakasika nyika. Aye uri kupenya kwouthende hwaMwari nomuedzaniso wemene waMwari. …”.

Ndizvo pana Jesu ndipo petinoonera Mwari. Ivo Jesu vane mazwi evakamboereketa. Tinoerenga mazwi akhona muna Johani 14 ndima 10. Inoti, “Inini ndiri mukati mwaBaba naBaba vari mukati mwangu. …”. Izvi zvinoronza kuti pana Jesu ndipo petinoonera Mwari Baba. Ndizvo iwewe ungaona Jesu. Unenge watoona Mwari Baba. Jesu ndivo vakaemerera Mwari Baba. Izvi ndizvo zvetinoona muna Johani 14 ndima 9. Ndima iyi inoti, “… Iye wakandiona inini wakaona Baba …”.

1 Thimothi 3 ndima 16 inojekesa izvi. Inoti, “Ngegwinyiso kufushika kwokudira kwedu kwakakura: uwo wakaoniswa mumuiri, wakaruramiswa muMweya, wakaoneka ngengirosi, wakachumairwa pakati pevemadzinza, wakatendwa munyika, akaashirwa mudenga muuthende”. Ndima iyi inoti “ngirosi dzakavaona”. Ngirosi idzi dzaiya dzisati dzakamboona Mwari Baba. Dzakatozovaona pakauya Jesu. Mwari avaonekwi ngemadziso enyama. Kunyazwi zvisikwa zviri mudenga azvikoni kuvaona. Pana Jesu ndipo pevanoonekwa. Jesu ava ndivo vakationesa Mwari. Izvi ndizvo zvinoonesa kushamisa kweVamwari. Zvinoonesa hukuru hweVamwari. Mwari ngavairikidzwe!

Kumbira Weiti
Baba vendinoda. Ndinomubonga. Mwandidetsera kuzwisisa Jesu. Pana Jesu ava ndipo petinoonera Vamwari veshe. Mwevari ndimwo munogara Humwari hweshe. Ndimwo munogara masimba eVamwari eshe. Jesu ava ndivo Mwari vanoonekwa ngemadziso enyama. Ndivo Mwari vakafumiswa. Mwari vakuru kupinda zvimweni zveshe. Ndivo mambo wemadzimambo. Ivo Mwari vakuru. Ndivo Muponesi wedu. Ameni.

Dzimweni Ndima Dzinotsinhira Kufunda KwaNyamashi:
Vakorose 2 ndima 9
Vahebheru 1 ndima 3
Johane 14 ndima 5 kusvika 11

(Chidzidzo ichi chatorwa kubva mu ndima
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church