Kugomera MuMweya

Muvhuro, 2 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

Hama, chidisiso chomwoyo wangu. nokukumbira kwangu kunaMwari ngendaa yevaIsuraeri kuti vaponeswe" (VaRoma 10 ndima 1).

Iwewe ungada kuchumaira Izwi raMwari kuvanhu. Vanhu vakhona vangaa vakawanda. Ungaa munhu umwe ega. Ndinokuyambira kuti utange wakumbira. Kumbira ngemwoyo wako weshe. Uchikumbirira vanhu vakhona. Uchitsvaka kuti vaashire Izwi raMwari iri. Ukarakadze muedzaniso womukushi. Tinouona muBhaibheri. Tinouerenga muna Ruka yechisere ndima yechishanu kuguma gumi nechirongomuna. Apa mukushi wakakusha mbeu. Dzimweni dzakhona dzakadonhera paiya pasikazi kurimwa. Mbeu idzi adzizi kukona kukura. Dzakagumisira dzafa.

Iwewe une Izwi rewakabatiswa. Izwi iri rakakosha yaamho. Arisiri rekungochumaira kuvanhu. Unosisira kutanga warima mwoyo yevanhu vakhona. Unoirimira mumweya. Ndikwo kuti vakone kuriashira. Kupona kwavo kuchizotsanduka. Izvi ndizvo zvetinoona muna VaKhorose yechirongomuna ndima yegumi nembiri. Phauri ndiye wakanyora ndima iyi. Unoti, "Ephafrasi, umwe wenyu, muranda waKristu Jesu, unomutambisa. Nguwa dzeshe unomutambudzikira mukukumbira kwake ngendaa yenyu, kuti mueme mwakaperera mwechizia ngegwinyiso icho chiri kuda kwaMwari".

Mundima iyi mune izwi rinoti, "kutambudzikira". Izwi iri rinoturikirwa kubva kuizwi reChigiriki. Izwi reChigiriki rakhona rinoti, "agonizomai". Rinoronza kurwisa. Kuita mutsimba. Kana kushanda ngemwoyo weshe. Ndikwo kukumbira kwounosisira kuita uku. Unenge uri kurwira mweya yevanhu. Uchiidusa munyara dzaSathani. Saka ukakumbirira munhu asikazi kuponeswa, kana kuti asiri kukoshesa zviro zvaMwari, mweya wako unosisira kurwisa. Uchiramba kusiya munhu uyu echipona ngenjirayo.

Saka unochemerera munhu uyu. Uchimuchemerera kuna Mambo. Uchikumbira kuti Mwari vabate mwoyo wake. Vechiita kuti ade Muponesi. Uchikumbirawo kuti atye Mwari. Atungamirirwe ngeIzwi ravo pakupona kwake. Echikoshesa zvinodakadza Mwari. Unokumbirira munhu uyu. Uchitsvaka kuti midzi yake idzake mukururama. Mweya wake utsamwirire zvaMwari. Echitsamwirira kuita mishando yakanaka. Kupona kwake kuchiita kuti vanhu vakudze Mwari.

Pane zvinozoitikawo mumweya wako uchikumbira kudaro. Uchichema. Uchirwira mweya yevanhu. Mweya waMwari unozotutsira nyasha mukupona kwako. Unenge uri mumhatso yokutonga. Saka unozoona detsero yeshe younoda, pamwepo nenyasha dzokupa amweni. Izvi ndizvo zvinoitika petinokumbira. Ndizvo zvinoita kuti mikumbiro yedu ikone kunasirisa kupona kwevanhu.

Kumbira Weiti
Baba vendinoda. Ndinomubonga. Nyasha dzenyu dziri kushanda mwendiri. Dziri kushanda kudaro pendiri kutsamwirira kukumbirira vanhu. Ivo vanhu vaya vandiri kuchumaira kwevari. Mwoyo yavo yabeuka. Yaa kukona kuashira gwinyiso renyu. Zvipingaidzo zveshe zvinoduswa. Mwoyo yavo ichiiswa pamuri imwimwi. Nepazviro zvomudenga. Vanogwinyiswa mukururama. Mweya yavo ichikushingairirai. Vechiita mishando yeshe yakanaka ngomwazvo. Vechiita kuti zina renyu rikudzwe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Ruka 22 ndima 44
VaHebheru 4 ndima 16
Jakobe 5 ndima 16

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church