Kururama Chiro Chiri MuNgazi YaMwari

Chitatu, 4 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari" (2 VaKhorinte 5 ndima 21).

Kune vanhu vasikazwisisi kuti kururama chiinyi. Vanhu ava vakatowanda. Vanongopinimidza kuti kururama kusaa nechishaishi. Asi izvi azvisirizvo zvega. Kururama chiro chiri mungazi yaMwari. Ndikwo kunoita kuti vaite zviro zveshe ngomwazvo. Zvakatodzana ngorudo. Mwari rudo. Izvi zvinoronza kuti rudo chiro chiri mungazi yaMwari. Avakoni kusadakarira vanhu.

Kururama chiro chinoonekwa muna Mwari vega. Ndikwo kunovasiyanisa nezvimweni zvisikwa zveshe. Ndikwo kunoita kuti vave Mwari. Munhu ungashingaira hake. Echitsvaka kuita mishando yakanaka. Asi aakoni kururama saMwari. Aakoni kuona kururama uku. Asi Mwari vanotidakarira yaamho. Vakapa vanhu kururama uku. Vakaita kuti vanhu vave vakarurama saivo.

VaRoma yechishanu ndima yegumi nechinomwe inoti, "Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama. vanozotonga mukururama kubudikidza ngomunhu umwe, Jesu Kristu". Ndima iyi inoronza ngezve chipo chokururama. Chipo ichi chakapuwa kumunhu weshe. Munhu weshe waa nekodzero yokuchiona. Unochiona muna Muponesi Jesu. Munhu uyu unobva atotsandurwa dzinza. Echibva aitwa wedzinza revakarurama. Echiva munhu wedzinza raMwari.

Dangani iwewe wakabarwa kechipiri. Ukatsandurwa dzinza. Ukaitwa wengazi yeVamwari. Wakabva waitwa wedzinza raMambo Jesu zuwaro. Auzi kungopuwa kodzero yokuona kururama kwega. Wakabva watotsanduka dzinza. Ukaa wedzinza revakarurama. Ndizvo wakabva watoa munhu akarurama. Izvi ndizvo zvetinoziiswa mutsamba yechipiri kuna vaKhorinte chitsauko chechishanu ndima yemakumi mairi nachimwe. Inoti, "Iye wakamuita kushaisha ngendaa yedu, uwo waiya asikazi kuzia kushanisha, kuti mwaari isusu tiite kururama kwaMwari".

Ndizvo waa kukona kupona ngomwazvo. Waa kukona kuereketa ngomwazvo. Mwari vaida kuti ukone kurarama kupona kwakarurama. Ndiyo ndaa vakakuita munhu akarurama. Kururama kwaa mungazi yakowo. Ndizvo waa kukona kupona zvakarurama pamberi paMwari. Waa kukona kurarama kupona kweVamwari. Chipona somunhu anozwisisa kuti wakarurama. Zwisisa kuti iwewe waa muna Muponesi Jesu. Ndizvo wakapembedzwa. Wakatsanangurwa. Wakaruramiswa. Kururama kwaMwari kwaa kuonekwa pouri. Hareruya!

Kumbira Weiti
Baba vendinoda. Ndinomubonga. Mwakandiita munhu wedzinza renyu. Ndaa kurarama somunhu wedzinza renyu. Ndaa muna Kristu. Ndizvo ndaa kuzwisisa kuti ndakapembedzwa. Ndakatsanangurwa. Ndakaruramiswa. Ndizvo ndaa kutonga zviro zvomunyika muno. Simba renyu rinoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 5 ndima 17
VaFiripi 3 ndima 9
2 VaKhorinte 5 ndima 21

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church