Tinenge Tiri Kuaraidzana NaBaba

China, 5 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi iwewe, apo woera kurya, dzodza soro rako, ushambe muhope mwako, kuti usazooneka ngevanhu kuti uri kuera kurya. asi ndiBaba ako vari pakafishika; naBaba ako avo vanoona mukufishika, vanozokupawo" (Mateu 6 ndima 17 kuguma 18).

Isusu tikatsanya, tinenge tisiri kutsvaka kuti Mwari vatiitire chimweni chiro. Tinenge tisiri kutsvaka kuti Mwari vatipe chimweni chiro. Mwari vakatotiitira zviro zveshe. Vakashandisa Jesu Kristu kuita zviro izvi. Vakatotipa zviro zveshe. Zviro izvi zvinoonekwa muna Jesu Kristu. Izvi ndizvo zvetinoona mutsamba yokutanga kuna vaKhorinte chitsauko chechitatu ndima yemakumi mairi nachimwe kuguma makumi mairi nemairi. Inoti, "Ndizvo munhu asaganza ngevanhu. Ngokuti zviro zveshe ngezvenyu, kunyazwi Phauri nokuti Aporosi nokuti Khefasi nokuti nyika nokuti kupona nokuti rufu nokuti zviro zviripo nokuti zvichazouya, zveshe ngezvenyu".

Iwewe wakatopuwa zviro zviripo nyamashi. Wakapuwawo zviro zvichauya mangwani. Zviro zveshe izvi zvinotoa muna Jesu Kristu. Ndimwo mwounozvitora. Mwari vane zvevaiya vakakugondisa. Vakatokupa zviro zveshe izvi. Ndizvo atina chetinopinimidza kuti tingatama. Mwari vakatokupa zviro zveshe zvoungada. Tsamba yaPetro yechipiri chitsauko chokutanga ndima yechitatu inoti, "Simba rake rouMwari rakatipa zviro zvose zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka".

Kune Vakacheneswa vaaruka. Vakacheneswa ava vanotsanya. Asi avaiti izvi vechitsvaka kupuwa chimweni chiro ndiMwari. Avazviiti vechitsvaka kufumiswa ndiMwari. Vanenge vechingoda kuzvipa nguwa yokuaraidzana naMwari. Vechivadira. Vechivairikidza. Vechivabonga. Vanokonawo kurwa hondo dzomumweya panguwa dzakadaro. Vechiparadza masimba echidima. Awawo anoparadza kupona kwevanhu.

Ndizvo mweya wako ukaaruka, unozogumisirawo waa kuzwisisa izvi. Tine ukama naBaba vomudenga. Ukama uhwu ndihwo hunotituma kuvadira. Tinenge tiri kubhuirana naBaba edu. Techiryisana navo. Techiaraidzana navo. Ndizvo iwewe ukatsanya, ukanamata, usaita izvi kuti Mwari vakupe chimweni chiro. Unotoa muridzi wezviro zveshe. Ndiwe muridzi wepfuma yaMwari yeshe. Unorya pfuma iyi pamwepo naKristu. Ndiwe mwana waAbrahama. Nyika ino yeshe ngeyako. Waa kukona kuita zviro zveshe. Kristu ndivo vanokupa simba rokuita zviro izvi. Ndizvo kumbira somunhu ane ukama naMambo. Uchirwisa masimba echidima. Uchisunhura vanhu kubva kumasimba aya. Uchipota uchitsanya kana zvechisisira. Hareruya!

Kumbira Weiti
Baba vendinoda. Ndinomubonga. Mwakandipa zviro zveshe. Ndakaona zviro zveshe izvi muna Kristu. Ndaa muridzi wepfuma yeVamwari. Ndaa kupona somunhu anozwisisa izvi. Ndinodira. Ndinotsanya. Ndinenge ndiri kuaraidzana nemwi pendinoita zveshe izvi. Ndechionesa kuti ndinokudai. Ndechirarama kupona kweVamwari. Ndechihambisana neMweya Wakachena. Muzina raJesu. Ameni.

Dzimweni Ndima Dzinotsinhira Kufunda KwaNyamashi
Mabasa Avapostora 13:2; 1 Johane 1:3; Danieri 9:3

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church