Furusa Zveshe Zvinorongwa NdiSathani

Chishanu, 6 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Vana vadoko, imwimwi munobva kunaMwari, mwakavanyisa; ngokuti uwo uri mukati mwenyu wakakura kupinda uwo uri munyika" (1 Johani 4 ndima 4).

Isusu taa Vamwari. Tine masimba etaa nawo. Tinosisira kushandisa masimba aya. Ngatiashandise kufurusa mishando yaSathani munyika. Ngatiashandise kumisa zveshe zvingada kuitwa ndiSathani. Unosisira kuzongozviita kana nguwa yake yaguma. Tsamba yechipiri kuna vaThesaronika chitsauko chechipiri ndima yechinomwe inoti, "Ngokuti chakafishika chisikazi kururama choshanda; asi zvichaitika metsa uwo unorambidza zvino abviswa". Isusu tisu tiri kudziisa mweya uyu. Isusu Chiara cheVakacheneswa.

Masimba echidima anotsvaka kuparadza nyika ino. Isusu tisu tiri kuadziisa. Tisu tiri kuita kuti masimba aya asaparadza nyika ino. Tisu tiri kuita kuti Sathani asakona kutonga nyika ino. Achazoitonga kana Vakacheneswa vachinge vabvutwa. Sathani unotozia izvi. Tinozviona pachumairo yaMambo Jesu. Pona paya pevaiya vachiri kuchumaira muJerusarema. Vechichumairawo muJudhia. Pane madhimoni akambodemba kwevari panguwa iyi. Tinoerenga mazwi awo muna Mateu yechisere ndima yemakumi mairi nechipfumbamwe. Yakati, "Wauya panapa kutishwinyisa usati waguma mukuwo here?".

Madhimoni aya aitozia mupango waMwari. Aizia hawo kuti achaparadzwa. Asi nguwa yakhona yaiya isati yakwana. Chiara cheVakacheneswa chine masimba echakapuwa. Isusu tinozwisisa masimba aya. Nguwa ino yakapuwa kuchiara cheVakacheneswa. Chiara ichi ndicho chinosisira kunge chiri kutungamirira pane zveshe zvinoitika munyika panguwa ino. Kristu Wekunyepa aasiriye unosisira kunge ari kutungamirira. Une nguwa yaachazotungamirirawo.

Mweya waKristu Wekunyepa watoa munyika hawo. Asi ausiriwo unosisira kuronga zvinoitika munyika muno. Chiara cheVakacheneswa ndicho chinosisira kuita izvi. Mweya uyu aukoniwo kunyisa Chiara cheVakacheneswa. Tsamba yaJohani yokutanga chitsauko chechirongomuna ndima yechirongomuna yati, "Vana vadoko, imwimwi munobva kunaMwari, mwakavanyisaa. ...". Kuronza kuti Chiara cheVakacheneswa chakanyisa mweya waKristu Wekunyepa. Chakanyisa masimba eshe aSathani. Masimba eshe aya aakoni kuchiendera pamberi.

Ndizvo iwewe ungaronza kumasimba eshe aya. Ungaereketa kumishando yaSathani. Ereketa somunhu anozwisisa masimba eVakacheneswa aya. Ereketa somunhu anozwisisa kuti Vakacheneswa ndivo vari kutonga panguwa ino. Izvi ndizvo zvinoronza Izwi raMwari. Izwi iri arina ungaritsandura. Madhimoni aakoni kuemesedzana newe kana uchizwisisa izvi. Ndizvo gara uchitonga. Uchironga zvinoitika munyika muno. Uchinyisa zviro zvomunyika muno. Usarekera Sathani echiita zvaanoda. Usarekera vabati vake vechiita zvevanoda. Iwewe waa muna Kristu. Ndizvo waa nemasimba eVamwari. Shandisa masimba aya kurambidza Sathani kuita zvaanoda.

Kumbira Weiti
Baba vendinoda. Ndinomubonga. Munondidetsera kuzwisisa Izwi renyu. Mune masimba emwakandipa. Ona masimba okudziisa Sathani kuita zvaanoda munyika muno. Ndinoshandisa simba reMweya Wakachena kufurusa zveshe zvinorongwa ndiSathani. Kururama ndikwo kunokurumbira munyika muno. Rugare ndirwo runokurumbira munyika muno. Gwinyiso ndiro rinokurumbira munyika muno. Masimba echidima aparadzwa. Chiara cheVakacheneswa vaJesu chinogara chechinyisa. Muzina raJesu. Ameni.

Dzimweni Ndima Dzinotsinhira Kufunda KwaNyamashi
2 VaTesaronika 2:6-7 NKJV; Mateo 8:29;

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church