Tisu Tinogumisa Kunyarara KuVanhu

Mugubera, 7 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Kunyazwi ngeiri mhatso yomunozopotera, kutanga mwechiti, 'Kunyarara ngakua kuneiyi mhatso!" (Ruka 10 ndima 5).

Mambo Jesu vane mushando wevakatipa. Uyu mushando wokugumisa kunyarara kuvanhu. Izvi ndizvo zvetinoona mundima yetabeura ndiyo. Vakatiziisa zvokuita kuti kunyarara uku kuve pandau. Vakati, "Kunyazwi ngeiri mhatso yomunozopotera, kutanga mwechiti, 'Kunyarara ngakua kuneiyi mhatso!". Isusu atingoshuwiri kuti vanhu vave nokunyarara. Tinopanga kuti vanhu vave nokunyarara. Simba rakhona riri mumazwi edu. Mazwi aya anotsigirwa ngemasimba edenga.

Mambo Jesu vane mazwi evakazoereketazve. Tinoaerenga mundima inoteera yakhona. Vakati, "Kuti aripo mukororo wokunyarara, kunyarara kwenyu kunozoa padera pake; asi kuti asipo, kunyarara kwenyu kunozohwirira kwomuri". Kuronza kuti kunyarara kunokona kupangirwa. Ndizvo iwewe ungapanga kuti kunyarara kuve pandau. Unenge uri kutoisa kunyarara pandau iyi. Ikwo kunyarara kwaJesu Kristu pachezvavo. Asi dangani kunyarara kwakhona kungasaashirwa. Kunozopetuka kwouri. Kunopetuka kudaro kwakaperera. Mwari ngavakudzwe saMwari.

Ungaa uri kukumbirira dzinyika. Mambo vakatipanga zvokuita. Vakati tinosisira kupanga kuti kunyarara kuve munyika idzi. Ndizvo ereketa weiti, "Ndinopanga kuti muZimbabwe muve nokunyarara. Ndinopanga kuti muNigeria muve nokunyarara. Ndinopanga kuti muGhana muve nokunyarara. Ndinopanga kuti muZambia muve nokunyarara. Ndinopanga kuti muRussia muve nokunyarara. Ndinopanga kuti muAmerika muve nokunyarara". Panga kuti munyika dzepashi pano muve nokunyarara. Panga kudaro wakashinga. Iwewe ndiwe chitubu chokupona. Ndiwe uripo kugumisa kunyarara kuvanhu.

Karakadza zvakamboereketwa ndiMambo Jesu. Tinozvierenga muna Johani yegumi nechirongomuna ndima yemakumi mairi nechinomwe. Inoti, "Kunyarara ndinokusiya kwomuri; kunyarara kwangu ndinomupa. Andimupi kudai ngokupa kwenyika. Mwoyo yenyu isatambudzika, isakarukazve". Mambo Jesu ndivo Mambo veKunyarara. Ndivo vakakupa kunyarara. Ndizvo ereketa somunhu akapuwa kunyarara. Kunyarara kwakhona akuzwisiswi ngemipinimidzo yevanhu. Ndikwo kunyarara kwetinogumisa kuvanhu. Kunyarara kwakhona kunouya kwakabhikuchira pfuma. Akuuyi kuri kwega.

Munhu une kunyarara aana ngozi ingamunyisa. Aana chingamupandisa soro. Izvi ndizvo zvaiya zvakaita Mambo. Vakapanga ruandhle kuti runyarare. Apa vaiya vari mungarava. Vaiya vane vadzidzi vavo. Tinoerenga nhoroondo yakhona muna Marako yechirongomuna ndima yemakumi matatu nechipfumbamwe. Izvi ndizvo zvounosisirawo kuita iwewe. Panga kuti mumhatso mwako muve nokunyarara. Panga kuti mumhuri mwako muve nokunyarara. Panga kuti zviro zvako zveshe zvigadzikane. Panga kudaro wakaema saMambo Jesu. Hareruya!

Kumbira Weiti
Baba vendinoda. Ndinomubonga. Mwakandibatisa kunyarara kwenyu. Ndini ndinogumisa kunyarara uku kuvanhu. Ndinohamba ndakakubhukuchira kweshe kwendinoenda. Ndinopanga kuti kunyarara kuve munyika yangu. Ndinopanga kuti vanhu veshe vave nokunyarara. Kunyarara ndikwo kunokurumbira mumhatso mwangu. Pfuma yakawanda inoonekwa mumhatso umwu. Inoonekwa mumhuri yangu. Nomuhama dzangu dzepasinde. Muzina guru raMambo Jesu. Ameni.

Dzimweni Ndima Dzinotsinhira Kufunda KwaNyamashi:
Isaya 52 ndima 7
Johani 14 ndima 27
2 VaThesaronika 3 ndima 16

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church