Apana Chingatsia Kubarwa KeChipiri

Chipiri, 10 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Jesu wakapingura, akati kwaari, "Ngegwinyiso ndinoti kwouri, kudai munhu asabarwa ngokwomudenga, aakoni kuona umambo hwaMwari" (Johani 3 ndima 3).

Kune vanopinimidza kuti mishando yakanaka yomunhu inosisira kuwanda. Inosisira kuwanda kupinda yakashata yakhona. Vanoti ndikwo kuti Mwari vaashire munhu uyu. Izvi azvisirizvo. Ndaa iyi aisiri yemishando. Ngeye dzinza. Izvi ndizvo zvetinoziiswa muna vaGaratia yechitanhatu ndima yegumi nechishanu. Inoti, "Ngokuti kuchekwa nokuti kusikachekwa akuna shwiro, asi kuita chisikwa chitsva kuri zviro zveshe". Ndizvo munhu unosisira kutsandurwa dzinza. Unosisira kuitwa wedzinza raMwari. Unosisira kuitwa wengazi yaMwari. Ndikwo kuti aashirwe ndiMwari.

Ndiyo ndaa Mambo Jesu vakati, "Munhu unosisira kubarwa ngokwomudenga". Ndizvo aukoni kuti chiara chako achizviashiri. Munhu weshe unosisira kubarwa kechipiri. Ndikwo kuti atsandurwe dzinza. Echiitwa wengazi yaMwari. Echiona kupona kusikaperi. Izvi ndizvo zvetaona mundima yetabeura ndiyo. Yati, "Kudai munhu asabarwa ngokwomudenga, aakoni kuona umambo hwaMwari". Zvisirizvo aakoni kupinda munyika yaMwari. Aakoni kuzia ngezvayo. Aatokoni kuizwisisa. Nyika yaMwari inotoa pano. Iri muna Jesu Kristu. Asi iwewe unosisira kubarwa kechipiri. Ndikwo kuti ukone kupinda munyika iyi.

Johani yechitatu ndima yechitanhatu inoti, "Munhu unobarwa ngokwenyama inyama, unobarwa ngokwoMweya mweya". Ndizvo munhu akabarwa kechipiri, mweya wake ndiwo unenge wabarwa kudaro. Mweya uyu unenge wasikwa patsva. Mweya Wakachena ndivo vanousika patsva kudaro. Vanoshandisa Izwi raMwari kuusika kudaro. Uku kunenge kuchitoa kubarwa kwemene. Akusiri kubarwa kwokungoronzawo. Mweya wako unenge watotsandurwa dzinza. Uchiitwa wengazi yaMwari. Ndiyo ndaa Mambo vakati, "Kunosisira kuti ubarwe ngokwomudenga". Tinoerenga mazwi avo aya muna Johani yechitatu ndima yechinomwe.

Ndizvo munhu unotosisira kubarwa kechipiri. Apana chingatsia izvi. Uyezve achisiri chiro chokutsanangura kusaita. Iwewe ungada kua munyika yaMwari. Unosisira kubarwa kechipiri. Ndikwo kuti uve wengazi yaMwari. Ndikwo kuti uve wedzinza raMwari. Asi dangani iwewe ausati wabarwa kechipiri. Enda kumukumbiro weruponeso. Unoonekwa kunoperera bhuku rino. Kumbira mukumbiro uyu. Mukumbire ngemwoyo wako weshe. Unobva waitwa mwana waMwari. Kuronza kuti mweya wako unenge watsanduka dzinza. Uchibva waitwa wengazi yaMwari.

Kumbira Weiti
Baba vendinoda. Ndinomubonga. Mwakandipa ruponeso. Ndakaruona muna Jesu Kristu. Ndizvo ndakabarwa kechipiri. Ndaa chipuka chitsva. Ndaa muna Jesu Kristu. Ndaa kupona soMumwari. Ndechishandisa kujeka kwaMwari pakupona kwangu. Ndaa kupona mukururama. Ndinomubonga. Mwakandiita wedzinza renyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi
Tito 3:5; 2 VaKorinte 5:17; 1 Petro 1:23

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church