Tisu Vangwariri VePfuma YaKristu

Mugubera, 14 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi imwimwi mwauya kuMutunhu weZioni nokudhorobha raMwari unopona, Jerusarema romudenga, nokuhondo dzengirosi dzisikaerengeki mumushongano wedhiri nokumushongano wematangwe awo akanyorwa mudenga. ..." (VaHebheru 12 ndima 22 kuguma 23).

Upfumi hwenyika yako hune vanohuronga. Hunorongwa ngevatungamiriri venyika iyi. Hunorongwawo ngemakurukota enyika iyi. Vanhu ava ndivo vanoronga kushandiswa kweupfumi uhwu. Asi iwewe uri gurukotawo. Uri nhengo yedare. Dare rakhona igurutu yaamho. Rakakura kupinda matare eshe enyika ino. Dare rakhona ndicho Chiara cheVakacheneswa. Chinotungamirirwa ndiMambo Jesu. Mambo Jesu ndivo Dangwe redu.

Kuronza kuti tiri mudare reVamwari. Dare iri ndiro rinoronga pfuma yomudenga. Yona pfuma yaKristu. Iyoyo inoshandiswa ndiMwari munyika muno. Mazina edu teshe ari mudenga. Atisiri vatorwa. Tinotoa nhengo dzedare remudenga iri. Tinoronga kushandiswa kwepfuma yaMwari munyika muno. Ndiyo pfuma inoshandiswa pamishando yokuunzira vanhu ruponeso. Ndiyo inoshandiswa pamishando yokuunzira vanhu zvifumiso. Pamwepo nokunasirisa zviro zvomunyika muno. Iwewe uri kuitenyi ngepfuma iyi?

Pfuma iyi iripo kuponesa vanhu. Iripo kupfumisa dzinyika. Asi isusu tisu tinoigumisa kuvanhu. Tisu takaibatiswa. Ndizvo chirekera kupinimidza somunhu akaemera kupuwa mare ndiMwari. Waa kuzikanwa ngezina raJesu. Chipona somunhu anozwisisa izvi. Waa kungosisira kuereketa zvega. Pfuma yakhona inozouya kwouri. Misuwo inozobeuka. Pfuma yaMwari aiperi. Inouya peshe peinodiwa. Ndizvo iwewe waa kukona kuona zveshe zvoungada. Waa nepfuma yeshe inodiwa kuita mishando yaMwari. Uchipinza vanhu munyika yaMwari. Nyasha dzakakuwandira. Hareruya!

Pupura Weiti
Ndini ndinogumisa pfuma yaMwari kuvanhu. Ndakapuwa pfuma yakhona yakawanda. Ndinoshandisa mazano edenga pakupona kwangu. Ndinoshandisa pfuma kugumisa Ruponeso kudzinyika. Pfuma yangu inogara ichitutsira. Ndechibudirira pane zveshe zvendinoita. Muzina raJesu. Ameni.

Dzimweni Ndima Dzinotsinhira Kufunda KwaNyamashi
VaFiripi 4:19; 2 VaKorinte 9:8;

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church