Varombo MuMweya

Muvhuro, 16 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Vanomuchena varombo vomweya, ngokuti ngehwavo umambo hwomudenga." (Mateu 5 ndima 3).

Mambo Jesu ndivo vakaereketa mazwi etabeura ndiwo. Vaiya vasiri kuronza varombo vomunyika muno. Vaiya vari kuronza vaya vane mweya yakapa zveshe kuna Mwari. Ivo vaya vasati vachakoshesa zviro zvomunyika muno. Vanhu ava vanokona kungopa zviro zveshe izvi kuti zvidetsere pamishando yaMambo. Vangaa nepfuma yakawanda. Asi avaikoshesi. Mwoyo yavo aisiri papfuma iyi. Vanokona kungoipa kumushando waMwari. Vechitsvaka kuti idetsere pamishando yokugumisa Vhangeri kuvanhu.

Izvi ndizvowo zvaiya zviri Phauri. Tinoona mazwi ake muna vaFiripi yechitatu ndima yechisere. Inoti, "Eya ngegwinyiso, ndinoerenga zveshe kuti zviri zvisina shwiro ngendaa yokunaka kukurutu kwokumuzia Kristu Jesu, Mambo wangu. Ngendaa yake ndakatambudzika ngokurashikirwa ngezviro zveshe, neni ndinozvierenga kuti zviri marara, kuitira kuti ndiuyirwe ndiKristu". Izvi ndizvo zvounosisira kuitawo iwewe. Mishando yaKristu ndiyo yega inosisira kunge yakakukoshera. Mishando yenyika yavo ndiyo yega younosisira kukoshesa. Shungu dzako dzinosisira kunge dziri dzokuti Ruponeso rugume kuvanhu.

Ungaa hako nepfuma yakawanda. Asi iwewe ausisiri kukoshesa pfuma iyi. Pfuma iyi aisisiri kukutonga. Mweya waMwari unosisira kukona kukupanga kuti upe pfuma yakhona kuna Mwari. Iwewe auzosisiri kuita nharo pakadaro. Ukwokwo ndikwo kua murombo pamweya. Unenge waisa pfuma yako yeshe munyara dzaMwari. Mwoyo wako unenge wazvipira kunaMwari. Uyezve iwewe unenge usiri kuita zvokumanikidzwa kuzvipira kudaro Unenge uri kutozviita ngomwoyo wako weshe. Kristu vega ndivo vanenge vaa kukona kudakadza mwoyo wangu. Zviro zvomunyika muno zvinenge zvisikachakoni kukudakadza.

Kune vanhu vakasipona ngenjira yakadaro. Mambo vaipembedza vanhu ava. Umambo hwomudenga ngehwe vakadaro. Umambo uhwu ihurumende yaKristu. Ndiyo hurumende yavo inoita mishando yavo munyika muno. Ndiyo iripo kufumisa vanhu. Nokunasirisa kupona kwavo. Varombo mumweya ndivo vanogumisa simba redenga kuvanhu. Ndivo vanorarama kupona kweVamwari. Vanokupona vari munyika muno. Hareruya!

Kumbira Weiti
Baba vendinoda. Ndinomubonga. Mwakaita kuti ndiashire zvomunoda imwimwi. Mwakaita kuti ndikone kuzvipira kumishando yenyu. Mwoyo wangu ngowenyu. Apana chenyika ino chinokona kutora mwoyo wangu. Ndinongoraramira mishando yevhangeri zvega. Shungu dzangu ngedzokudzadza nyika ino ngeIzwi renyu. Ndini ndakabatisw pfuma yomudenga. Ndinoshandisa pfuma yangu yeshe kuti vakawanda vapinde munyika yenyu. Ndinoishandisa kuti vanhu vakukudzei saMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 3 ndima 7 kuguma 8
Ruka 14 ndima 33
Mateu 6 ndima 19 kuguma 21

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church