Iva NeMwoyo Wakadzara Hanya

Chipiri, 17 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Vanomuchena vanotsumba, ngokuti vanozoembedzerwa" (Mateu 5 ndima 4).

Mambo Jesu ndivo vakaronza mazwi etabeura ndiwo. Vaiya vasiri kuronza vanhu vanochema ngemarwadzo. Vaiya vari kuereketa semuprofita. Tinoona maprofita muChitenderano cheKaretu. Maprofita aya aipota eichema. Asi vaisachema nhamo dzavo. Vaichemera vanhu vaMwari. Vechitsvaka kuti vanhu ava vayanane naMwari. Vechitsvaka kuti vanhu ava vabve muutapwa. Maprofita aya aikumbirira vanhu ava. Vechichema. Vachichemera mweya yavo. Vechitsvakawo kuti zina raMwari rikudzwe.

Saka apa Mambo Jesu vaiereketa ngezve vanhu vane mwoyo inoshingairira Mwari. Vona vaya vanokoshesa zviro zviri pamwoyo paMwari. Kuchema kwavo ndikwo kunoitwa ngevanhu vanodakarira vanhu. Kunoitwa ngevanhu vane hanya nevanhu. Akuitwi ngevanhu vanochema havo nhamo dzavo. Asi vane mwoyo yakaita seyaMwari. Vona vaya vasikadi kuona mweya yevanhu yakanyangara. Vasikadi kuona dzinyika dzechiramba Mwari.

Ndizvo iwewe ukazwa kuti umweni munhu abuda muchiara kana kuti atonhora, mwoyo wako unobva warwadziwa. Wobva wamukumbirira. Unozochema kuna Mwari. Uchitsvaka kuti asunhurwe. Asi tinobonga Mwari. Mwari vanogondesa kudaira vanhu vakadaro. Vanogondesa kuvanyaradza.

Vanozoponesa munhu uya. Vanozonasirisa kupona kwake. Izvozvo zvechibva zvazokunyaradza. Mwari vanobatwa mwoyo ngemikumbiro yakadaro. Iwewe ungaa uri kukumbira. Dzimweni nguwa unopererwa ngemazwi. Misodzi yako ndiyo yega inenge yaa kuereketa. Ukwokwo ndikwo kuchemera mweya yevanhu. Mweya wako uchigomera. Dzimweni nguwa mwoyo wako unoremerwa yaamho. Ndizvo unenge waa kungofemereka. Uchisvimha misodzi. Uchikumbirira vanhu. Izvi ndizvo zvetinoona muna vaRoma yechisere ndima yemakumi mairi nechitanhatu.

Simba reMweya Wakachena rinobva ratanga kushanda pakadaro. Izvi zviro zvakasiitika kwendiri kakawanda. Ndine vanhu vendakasikumbirira ngenjira iyi. Vanhu vakhona vakawanda yaamho. Vamweni vavo vaa vashumiri veVhangeri nyamashii. Vamweni vaa vatungamiriri muzviara. Vamweni vavo vaia netsika dzakashata. Vamweni vaiya vasina kunyasa kuzvipira kukumbira. Vamweniwo ndivo vaitambudzwa ngezvakasiyana siyana. Mishando yavo isiri kuvapa mare yakanaka. Inini ndainyora mazina evanhu ava pashi. Ndovakumbirira. Ndechisvimha misodzi.

Vanhu veshe ava vatsanduka zvino. Ndizvo ndinodakara. Ndakanyaradzwa. Mwoyo wako ngauve nehanya nevanhu. Ndikwo kuti utodzane nemwoyo waMwari. Mikumbiro yako inozonasirisa zviro. Iwewe uchizonyaradzwa. Ndizvo iva nomwoyo wakapfaa. Mwoyo wako ngaudakarire vanhu. Ngauve nehanya. Ngaukutume kukumbira.

Kumbira Weiti
Baba vendinoda. Ndinomubonga. Mwakandipa mwoyo une hanya nevanhu. Ndizvo ndinogara ndechikumbirira vakarashika. Ndinogara ndechikumbirira vasina simba. Nevaya vatsauka. Ngokudaro kupona kwevanhu kunonasiriswa. Vanhu vakawanda vechitutsirwa munyika yenyu. Ndinomubonga. Munodaira mikumbiro yangu. Ndizvo ndinonyaradzwa yaamho. Muzina raJesu. Ameni.

Dzimweni Ndima Dzinotsinhira Kufunda KwaNyamashi
Ezekieri 9:4; VaRoma 9:2-3; Isaya 66:10;

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church