Izwi RaMwari Ngarigare Mwouri

Chitatu, 18 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ndizvo mwechirasha tsvina yeshe nokushata kunofashukira, muashire ngokupfaa Izwi rakasimwa, rine simba rokuponesa mweya yenyu" (Jakobe 1 ndima 21).

Izwi raMwari rine simba. Simba rakhona isimba reMweya Wakachena. Izwi iri rinonasira zveshe zverinoronza ngezvazvo. Iwewe ukaashira Izwi raMwari, Izwi iri ringaa riri kuronza ngezvekungwaririka. Ukafungisisa izwi iri, auzosisiri kukumbira kuti Mwari vakungwarire. Izwi iri ndiro rinenge raa kukungwarira. Ndiro rinenge raa mungwariri wako. Izvi ndizvo zvetinoona muna Nduyo yemakumi mapfumbamwe naimwe ndima yechirongomuna. Inoti, "Ugondeki hwake chihlangu nechokudzivhikira ndicho".

Izvi ndizvo zvinoitwa ngeIzwi raMwari. Zverinoronza ndizvo zveriri zvemene. Iwewe ukaashira Izwi rinoronza ngezvekupfuma, Izwi iri rinozokupfumisa. Ukaashira Izwi rinoronza ngezveutano hwakanaka, Izwi iri rinozoita kuti uve noutano hweVamwari. Mazwi akangwara yechirongomuna ndima yemakumi mairi kuguma makumi mairi nemairi inoti, "Mwana wangu, purutana mazwi angu; ukotamise nzee dzako kumazwi angu. Usatenda kuti abve mukuona kwako; uangwarire mukati mwemwoyo wako. Ngokuti ari kupona kuneavo vanoaona, nokuponeswa kunyama yavo yeshe".

Izwi raMwari ndiro rinoraramisa muiri wako wenyama. Ndiro mutombo unorapa muiri wako. Ndookunge waringwarira mumwoyo mwako. Uchirironza ngomuromo wako. Uchirishandisa pakupona kwako. Kune vamweni vanhu. Vanhu ava avazi kungwarira Izwi raMwari mumwoyo yavo. Avaziwo kurironza ngemiromo yavo. Ndizvo vanorwara. Uyezve urwere hwavo ahusiri kupera.

Ndizvo gara Izwi raMwari riri mumwoyo mwako. Uchirironza ngemuromo wako. Matenda aazogari mumuiri wako. Ngazi yako inozosukwa. Ichiduswa matenda eshe. Izwi raMwari ndiro rinokungwarira uri mutano. Ndiro rinokupa zveshe zvoungashuwira. Rinokupa zverinoronza ngezvazvo.

Kumbira Weiti
Baba vendinoda. Ndinomubonga. Izwi renyu rine simba. Simba iri riri kushanda mwendiri. Izwi iri rinondipa utano hwakanaka. Rinondipa simba. Rinondipa mazano enyu. Rinondidziirira. Rinondipfumisa. Izwi iri ndiro rendinoshandisa pakupona kwangu. Zverinoronza ndizvo zvinoitika mukupona kwangu. Ndinomubonga. Ndaa kuzia Izwi renyu. Ndiro rendaa kushandisa pakupona kwangu. Ichi chinotoa chifumiso. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mazwi Akangwara 4 ndima 20 kuguma 22
1 VaThesaronika 2 ndima 13
Jakobe 1 ndima 21

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church