Gara Uchiryidzana NeMweya Wakachena

China, 19 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ngokuti kuemesa mupinimidzo kuzviro zvenyama kufa, asi kuemesa mupinimidzo kuzviro zvoMweya kupona nokunyarara." (VaRoma 8 ndima 6).

Vanhu vanombokoniwa kuaraidzana naMweya Wakachena. Izvi zvinoitika kakawanda. Vanhu ava vanenge vari kutungamirirwa ngemipinimidzo yavo pakupona kwavo. Ndiyo ndaa vasikakoni kuaraidzana neMweya Wakachena kudaro. Vanenge vechipona sevanhu vomunyika muno. Vechingokoshesa zviro zvomunyika muno. Vechipinimidza sevanhu vomunyika muno. Asi ndima yetabeura ndiyo yati, "Ngokuti kuemesa mupinimidzo kuzviro zvenyama kufa, asi kuemesa mupinimidzo kuzviro zvoMweya kupona nokunyarara".

Iwewe unosisira kugara uchiryidzana neMweya Wakachena. Mweya Wakachena munhu. Ndizvo gara uchiereketa navo. Uchihamba navo zuwa rimwe ngarimwe. Tsamba yechipiri kuvaKhorinte chitsauko chegumi nechitatu ndima yegumi nechirongomuna inoti, "Nyasha dzaMambo Jesu Kristu norudo rwaMwari nokuiyana kwoMweya Wakachena ngazvigare nemwi mweshe".

Gara uchiereketa naMambo. Usangokumbira zvega kana pane zvounoda kuti vakupe. Mweya wako ngaugare uchiaraidzana nemweya waMwari. Mwari vanoshuwira kuryidzana newe ngenjira yakadai. Tsamba yokutanga kuna vaKhorinte chitsauko chokutanga ndima yechipfumbamwe inoti, "Mwari unogondeka, uwo wemwakadaidzwa ndiye mukuiyana noMukororo wake, Jesu Kristu Mambo wedu". Vanhu vanoryidzana vanobhuyrana. Vanoaraidzana pamwepo.

Mwari vanoereketa. Izvi ndizvo zvetinoona muBhaibheri reshe. Vakasika zviro zveshe ngemazwi avo. Vaiereketa naAdhamu. Vaiereketa naNoa. Vaiereketa naAbrahama. Vaiereketa naMosi. Vaiereketa kumaprofita. Vakazoereketawo vari muMukororo wavo. Mukororo uyu ndiye Jesu. Vachiri kuereketa nazvino. Izwi ravo tinorizwa muIzwi ravo. Mweya Wakachena vanoereketawo nesu. Kuronza kuti Mwari ndivo vanenge vari kutoereketa nesu. Fundira kuteerera kumazwi avo. Uchivadairawo. Ndikwo kuryidzana kwounenge uri kuita naMwari ukwokwo. Unenge uri kutorarama kupona kwomumweya uchidaro. Hareruya!

Kumbira Weiti
Baba vendinoda. Ndinomubonga. Mwakandiita wedzinza renyu. Saka ndaa kuryidzana nemwi. Ndinozia kuti imwimwi muneni. Ndinodakara kukona kubhuyirana nemwi. Icho chinotoa chifumiso chikuru. Ndizvo ndinotungamirirwa. Ndinosimbiswa. Ndechikurudzirwa kupona munaKristu. Ndechiita zvemene zvevakandirongera kuti ndiite mukupona. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
2 VaKhorinte 13 ndima 14
Johani 16 ndima 13
1 VaThesaronika 5 ndima 17

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church