Dziake NgeIzwi RaMwari

Chishanu, 20 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ngokuti icho chaanopinimidza mumwoyo mwake, ndizvo zvaari." (Mazwi Akangwara 23 ndima 7).

Chimbopinimidza kuti iwewe uri munhu wakadini. Ngatimboti pane umweni munhu wakaita zvewakaita iwewe. Ungazoda kuti munhu uyu ave shamwari yako ere? Dangani ungada hako. Kana kuti ungaramba. Asi karakadza kuti ndiwe wakaita kuti uve zvouri izvozvo.

Ndiwe wakaita kuti upinimidze mapinimidziro ouri kuita awawo. Akabva pazviro zvounogara uchiteerera. Uchierenga. Uchiona. Zviro zveshe izvi ndizvo zvinoita kuti upinimidze mapinimidziro ouri kuita awawo. Ndizvo zvinoita kuti uve nemaonero ounoita zviro. Ndizvo zvakakuita zvouri izvozvo. Ndizvo zvinokupa mapinimidziro ako awawo.

Mweya wako ndiwo unoronga kupona kwako. Vanhu vangaona havo zviri kubanze. Asi zviro izvi zvinotangira mumweya mwako. Ndiyo ndaa Mwari vakatipa Izwi ravo. Izwi iri ndiro rinonasirisa mapinimidziro edu. Ndiro rinodzadza mweya yedu ngemazano eVamwari. Ndizvo tutira Izwi raMwari mumwoyo mwako. Ndikwo kuti simba raMwari rionekwe mwouri. Ndikwo kuti runako rwavo ruonekwe mwouri.

Ndiyo ndaa vaKhorose yechitatu ndima yegumi nechitanhatu ichiti, "Izwi raKristu ngarigare mukati mwenyu ngokuwandisa, mwechidzidzisana nokupangana umwe noumweni muungwaru hweshe; mwechibonga mumwoyo mwenyu embai nduyo, ngoma nengoma dzoMweya kunaMwari". Zvakaitwa yemakumi mairi ndima yemakumi matatu nemairi inotiwo, "Nazvino ndinomupira kunaMwari nokuIzwi renyasha dzake, iro rine simba rokumuaka nokumupa nhaka pakati pavo veshe vakacheneswa".

Kumbira Weiti
Baba vendinoda. Ndinomubonga. Mwakandipa Izwi renyu. Izwi iri rinoaka kupona kwangu. Rinondirowedzera mukupona kweVamwari. Rinotsandura kupona kwangu. Rechiita kuti ndigare ndechitutsira kutodzana nemwi. Mipinimidzo yangu inowirirana neIzwi renyu. Mazwi endinoronza anoenderana neIzwi renyu. Ndinoita zviro zvinowirirana neIzwi renyu. Saka ndinoita zviro zvakambaanaka. Ndinoshandisa mazano enyu pakupona kwangu. Imwimwi ndimwi mwakandinasira. Ndaa kurarama kupona kweVamwari. Ndakadzara runako rwenyu. Kururama kwenyu kunoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaRoma 12 ndima 2
Jakobe 1 ndima 25
Mazwi Akangwara 4 ndima 23

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church