Fundira Kuereketa Ngomwazvo

Mugubera, 21 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Ngokuti ngemazwi ako unozopembedzwa, zve, ngemazwi ako unozopariswa ndaa" (Mateu 12 ndima 37).

Mazwi zviro. Mumweya aangozwikwi chete. Anotoonekwa ngemadziso. Asi kune vamweni vana vaMwari. Vana ava vanoshandisa mazwi asikazi kusisira. Ngokudaro avaoni zvifumiso zvakaperera. Asi vanhu vanozwisisa zviro ngenjira dzakasiyana siyana. Ndiyo ndaa vechiereketa ngenjira dzakasiyana siyana. Ndiyo ndaa vamweni vechiereketa sevanotama. Indaa yokuti vajaira kutama. Ndizvo vanozviona sevanhu vanotama.

Iwewe ungaa mwana waMwari. Unosisira kufundira kuereketa ngomwazvo. Uku akusiri kungoereketa kwomunhu anotsvaka kuti zvimunakire zvega. Asi kuronze zvinowirirana neIzwi raMwari. Izwi raMwari ndiro gwinyiso. Ndiro rinoronze gwinyiso. Izvi ndizvo zvetinoziiswa muna Johani yegumi nechinomwe ndima yegumi nechinomwe. Iwewe ungaereketa zvinowirirana neIzwi raMwari. Ungaita nguwa yakareba uchiereketa kudaro. Mweya wako unozogumisira waa nemapinimidziro akanaka. Uchizoonawo zviro zvinowirirana neIzwi iri.

Saka ndaa aisiri yokungoshandisa mazwi akasisira. Ereketa somunhu anowirirana neIzwi raMwari. Kune vanoereketa vechiti, "Tanga tiri kumudiro. Tabva tatanga kukumbira Mwari. Mwari vabva vauya padera pedu". Kuereketa kwakadaro kungaita sekwakanaka hakwo. Asi akuzi kunaka.

Iwewe ungadira Mwari hako. Asi Mwari avasiri kuzodzaka. Avasiri kuzobva mudenga vechiuya pouri. Mwari ava vanogara mukati mwako. Ndiwe unohamba wakavatakura. Ndiwe mhatso yavo. Vanoshanda mishando yavo vari mwouri. Ndizvo avapoti vechikusiya. Vanogara pouri. Saka tingaungana pamunamato. Ndipo pevanokona kubva vatanga kushanda pakati pedu. Vanenge vasiri kumwe kunhu vechiuya kugungano redu. Vanenge vagara vechitoa mwetiri. Usaereketawo uchiti, "Tinovairikidza. Techipinda pachivanze chavo". Dhavhidha ndiye waiereketa echidaro. Ndikwo kuzwisisa Mwari kwaaiita panguwa yake. Mwari vaa kugara mwetiri. Ndizvo tinogara pana Mwari. Ndipo petinogara nguwa dzeshe. Atipoti techivasiya. Techimboenda kune imweni ndau. Hareruya! Zvifundise kuereketa ngomwazvo. Iwewe waa muna Kristu. Ndizvo wakatsanduka dzinza. Waa munhu wedzinza reVamwari. Waa Mumwari. Ndizvo ereketa somunhu unozwisisa dzinza rake. Ndikwo kuti uzokona kurarama kupona kweVamwari ukwu. Uchigara uchinyisa. Uchibudirira mukupona.

Kumbira Weiti
Baba vendinoda. Ndinomubonga. Mwaita kuti mweya wangu uzwisise Izwi renyu. Saka mweya wangu waa nokujeka. Mazwi angu akadzara nyasha. Akadzara simba. Anoita kuti ndinyise. Anondiunzira runako. Anondidetsera kurarama kupona kweVamwari. Ndinoereketa zvinowirirana neIzwi raMwari nguwa dzeshe. Mazwi angu anobudisa zviri mumipinimidzo yenyu. Ndizvo ndinogara ndechitsandurwa ngeIzwi renyu. Ndechitutsira kutodzana naMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mazwi Akangwara 18 ndima 21
VaKhorose 3 ndima 16
Firemoni 1 ndima 6

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church