Ngendaa Yenyi Techiereketa Izwi RaMwari

Mugubera, 28 Kukadzi 2026,

*TAA KUTSVAKA MUSHAISHI WEKUGUMISIRA!. Mare yako inokona kutidetsera pamushando uyu. Itumire ngeEcoCash kuTNI Zimbabwe pa *151*2*7*58225# (Nyora Chiara chako seizwi rimwe)*

"Asi kudai ngezvetinawo Mweya umwewo wokugonda, kudai ngezvakanyorwa kuti, "Ndakatenda, ndizvo ndakaereketa", nesuwo tinotenda, ndizvo tinoereketa" (2 VaKhorinte 4 ndima 13).

Isusu tinoereketa Izwi raMwari. Asi atiriereketi zvetsika zvega. Tinoriereketa ngokuti tinoriashira. Tinowirirana nezverinoronza. Iwewe ungaereketa uchiti, "Zvakandinakira hazvo". Kuereketa kudaro akusiriko kunoita kuti zviro zvikunakire. Ndizvo ausisiri kungogonda ngemazwi aya. Unenge waa kutogonda ngemishando yako. Izvozvo azvina zvezvinokudetsera.

Zvinyorwa zvati, "Nesuwo tinotenda, ndizvo tinoereketa". Kuronza kuti unosisira kutanga waashira Izwi raMwari iri. Wozorironza. Saka ungaereketa weiti, "Zvakandinakira"? Unenge uri kuringira zvewakaitirwa ndiKristu. Izvozvo ndizvo zvounogonda ndizvo. Ndizvo zvinokutuma kuereketa wechidaro.

Kristu vakakupa utano hweVamwari. Utano uhwu ndihwo hwewaa nahwo. Audi kuhutorerwa. Ndiyo ndaa uchikona kuereketa weiti, "Ndinoramba kurwara". Saka muiri wako ungarwadza hawo. Vanhu vangazokuvhunza vechiti, "Wakadini hako?" Iwewe unozoti, "Ndinodakara". Unenge uri kuringira Izwi raMwari. Izwi iri rinoti iwewe waa wengazi yeVamwari. Vanhu vengazi iyi avabatwi ngematenda.

Ndiyo ndaa uchikona kuronzawo uchiti, "Ndinoramba kua murombo". Kristu vakakuita mupfumi. Izvi ndizvo zvetinoziiswa mutsamba yechipiri kuna vaKhorinte chitsauko chechisere ndima yechipfumbamwe. Inoti, "Ngokuti munozia nyasha dzaMambo wedu Jesu Kristu, kuti kunyazwi iye waiya mupfumi, asi ngendaa yenyu wakaita murombo, kuti imwimwi ngourombo hwake muite vapfumi". Saka unoramba kua murombo. Kwete nokuti uri kutsvaka kuti usazoa murombo. Asi nokuti unozia zvewaa muna Kristu. Unozia kuti unotoa mupfumi. Saka unoereketa uchiti, "Inini ndaa muna Kristu. Saka ndiri mupfumi".

Isusu taa muna Kristu. Takatsanduka dzinza. Tinozia dzinza redu iri. Tinozia pfuma yedu. Tinozia zvetaa nazvo. Tinozia zvetaa kukona kuita. Ndiyo ndaa techiereketa Izwi raMwari. Kristu vane zvevakatiitira. Zviro izvi ndizvo zvetinogonda ndizvo. Saka tinoereketa sevanhu vanogonda ngezviro izvi. Izvozvo ndizvo zvinoita kuti zviro zvakhona zvishande mukupona kwedu. Asi mazwi etinoronza anokonawo kusika zviro. Ndikwo kunge mazwi edu aya riri Izwi raMwari.

Saka iwewe ungaronza mazwi. Ungaaereketa kudaro uchitunzwa ngeMweya Wakachena. Mazwi aya anozosika zviro. Zviro zvakhona zvingaa mumweya. Zvingaa munyika muno. Asi tinokonawo kuereketa sevanhu vane utano hwakanaka. Vakapfuma. Vanonyisa zviro zvomunyika muno. Apa tinenge tisiri kusika zviro izvi. Tinenge tiri kungoashira zvetakaitirwa ndiKristu. Techiita kuti zviro izvi zvishande mukupona kwedu. Mwari ngavakudzwe saMwari!

Kumbira Weiti
Baba vendinoda. Ndinomubonga. Mwaita kuti ndizwisise kuti ngenyi ndechisisira kuereketa Izwi raMwari. Kristu vane zvevakandiitira. Inini ndinoereketa somunhu anoashira zviro izvi. Ndizvo mazwi angu akadzara simba. Ndinoereketa Izwi renyu. Ngokudaro ndinotora pfuma yangu. Pfuma iyi iri muna Kristu. Mupfuma iyi mune utano hwakanaka. Mune pfuma yenyika ino. Mune kunyisa. Zviro zveshe izvi zvinoonekwa mukupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamasi
Firemoni 1 ndima 6
VaRoma 10 ndima 10
VaHebheru 11 ndima 1

Dzimweni Ndima Dzinotsinhira Kufunda KwaNyamashi
Firemoni 1:6; VaRoma 10:10; VaHeberu 11:1-3

(Zvafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church