Ukatsamwirira Unopunduka

Chishanu, 4 Kubvumbi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Mumishando yeshe yesimba munokuuyirwa, asi kuereketa kwega kunounza urombo (Mazwi Akangwara 14:23).

Ndima yetabeura ndiyo inoronza ngezvekutsamwirira. Uku kunenge kuri kushanda ngesimba. Kunenge kuri kungwarira mishando yako. Ndima iyi inoti kutsamwirira uku kunosiyana nokungoereketa. Vane nungo ndivo vanongowanza mashoko. Inoti munhu unoereketa kudaro unopedzesera aa murombo.

Asi kune vanoshanda ngesimba, azviiti kuti vanhu vakadaro vave varombo. Kushanda kwavo kunovapundusa. Asi kune vaya vanongowanza kuereketa. Vanhu ava ndivo vanongoshoora zveshe zveshe. Vanoereketa sezvinozwi vanozia yaamho. Vanozviti vanozia kupinda hurumende. Vanozviti vanozia kupinda vatungamiriri venyika. Apana kana nachimwe chevanoti avazii. Asi ivo pachezvavo avana chine shwiro chevanoita.

Bhaibheri rinoronza ngepadera pevanhu vakadaro. Rinoti vanhu ava vanopedzesera vaa varombo. Vanhu ava vangaita havo sevanozia zvakawanda. Asi vanenge vari kungoereketa zvega. Ndiyo ndaa Izwi raMwari rechigwinyisa kushanda ngesimba. Rechiyambira vanongowanza mashoko ava. Mazwi Akangwara yegumi ndima yechirongomuna kuguma yechishanu inoti, Nyara inenungo inounza urombo, asi nyara youwo unogwinyisira inounza upfumi. Mwana unounganidza muzienza wakangwara, asi mwana unoata ngomukuwo wokukukura unotsverudza.

Mazwi Akangwara 12 ndima 24 inogwinyisa izvi. Inoti, Nyara youwo unogwinyisira inozotonga, apo unenungo unozoitwa hloko. Mwari vanoda kuti ushande ngesimba. Vanoda kuti utsamwirire pamishando yako. Avadi kuti ungowana kupona zvega. Asi kuti upfume. Vanoda kuti ubudirire pane zveshe zvounoita. Izvi ndizvo zvetinoona muna 3 Johani 1 ndima 2. Inoti, Unodikanwa, ndinokukumbira kuti ngezviro zveshe ubudirire ugwinye kudai ngezvounobudirira mweya wako.

Izvi ndizvo zvounoshuwirwa ndiMwari. Vanoda kuti upfume. Vanoda kuti zvounoita zveshe zvibudirire. Zvingaa zviro zvounoita mumweya. Zvingaa zviro zvounobata ngenyara dzako. Zveshe zvinosisira kubudirira. Ndizvo tsamwirira pamishando yako. Tsamwirira pamishando yewakapuwa ndiMwari. Mwari vakaronga kuti upfume. Saka zvione somupfumi. Shandisa mazano avo pakupona kwako. Mwari vanokudakarira. Saka vanoda kuti upfume. Ngokudaro vanokufumisa. Vechiita kuti uve nepfuma yakawanda. Isikaperi. Mwari ngavairikidzwe!

Kumbira Weiti

Baba vendinoda. Ndinomubonga. Izwi renyu rinondipa mazano. Mazano aya anondifumisa. Ndinotsamwirira pamishando yangu. Ngokudaro mishando yangu yakafumiswa. Ndiri kubudirira pane zveshe zvendinoita. Ndinobudirira kudaro sokubudirira kunoita mweya wanguwo. Pfuma yangu aiperi. Ndinogara ndine zvakawandisa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Mazwi Akangwara 12:24
Muchumairi 9:10
Nduyo 1:3



(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church