Kulenzunzo Emsebenzini Wonke

Friday, 4 April 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Kumtshikatshika wonke kulenzuzo, kodwa inkulumo yendebe ibanga inswelo kuphela (Izaga 14:23).

Ivesi evulileyo iyabeka egcekeni uahluko phakathi kwokusebenza nzima, lokukhuluma okungelangqondo kumbe ukuba livila. Umuntu okhuluma kakhulu kumbe olivila uyahlupheka. Ibala ukuswela lihambisana lukuhlupheka, ukuswela, ukufuna loba ukuswela imali. Izaga 14:23 ithi, Kumtshikatshika wonke kulenzuzo, kodwa inkulumo yendebe ibanga inswelo kuphela.

Abantu abasebenza nzima bayamukela lokho okulingene yimisebenzi yabo; umsebenzi wabo uyabalethela izithelo. Kodwa kulalabo abazingenisa Ekukhulumeni okungapheliyo, bayasola konke. Bayakwazi okwenziwa nguhulumende, ukhokheli wezimali, umayor, njalo lokuthu umkhokheli welizwi kumele eyenzeni. Balombono ezintweni zonke, kodwa bona kungela abakwenzayo.

IBhayibhili likubeka egcekeni ngabanyu laba: ukukhuluma kwabo, ekungela izenzo ezilungiley, kuzabakhokhela ekuswelwni lasekuhluphekeni. Abakhuluma kakhulu bangazwakala angani balolwazi njali bekhuthaza, kodwa amazwi abo kalasisindo. Yikjo, iLizwi likhuluma kakhulu ngokuqakatheka kwokuhlakanipha2njalo lisixwayisa ngokukhuluma izinto ezingela ncedo. Izaga 10:4-5 ithi, Osebenza ngesandla esixegayo uba ngumyanga, kodwa isandla sabakhutheleyo siyanothisa. Ovuna ehlobo uyindodana ehlakaniphileyo, olala ubuthongo obukhulu ngesikhathi sokuvuna uyindodana ethelela ihlazo.

Izaga 12:24 iyaqhubekela phambili itshengisa umahluko phakathi kwokusebenza nzima lokuba livila; ithi, Isandla sabakhutheleyo sizabusa, kodwa amavila azakuba yizibhalwa.
Injongo kaNkulunkulu ngawe, ngakho-ke, iyadlula ukusebenza nzima ukuze ungaahawuli; kodwa yikuthi uphumelele endaweni zonke zempilo yakho. Uyakutshengisela lokhu kuhle ku3 UJohani 1:2. Iti, Sithandwa, kuzo zonke izinto jikelele ngifisa ukuthi uphumelele njalo uphile, njengalokhu umphefumulo wakho uphumelele.

Lokhu yikho uNkulunkulu akufiselayo- ukuthi ube lempumelelo endaweni zonke zempilk yakho: okomoya, ezinto ezibambekayo, lasemzimbeni. ngakho-ke, khetha ukuthela izithelo. Yenza kuhle emsebenzini wakho njalo lalapho iNkulunkulu akubizela khona ukuthi ukwenze. Ziqondanise lombono kaNkulunkulu wokuphumelela, usebenzisa ukuhlakanipha lokusebenza nzima ezintweni ozenzayo. Njalo ngenxa yokuthi uNkulunkulu uyathokoza ekuphumeleleni kwakho, uzabusisa umsebenzi wakho njalo ekwenze ukuthi uhambe ebunengini, njalo lokuphiwa okungapheliyo. Makadunyiswe uNkulunkulu!
Umkhuleko
Baba othandekayo, ngiyakubonga ngenhlakanipho YlyeLizwi lakho eliklngikhokheleyo endleleni yokuthela izithelo njalo lokuphumelela. Njengomeli ekhaliphileyo njalo othela izithelo, imisebenzi yami ibusisiwe njalo ngiyaphumelela endaweni zonke zempilo yami. Ngiyathokoza ngempumelelo engapheliyo lobunengi, eBizweni likaJesu. Ameni.

Qhubeka Ngembalo
Izaga 12:24
UmTshumayeli 9:10
Izihlabelelo 1:3

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church