Zia Kuti Ndivo Mambo

Mugubera, 26 Kubvumbi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Ngokuti, Kunyazwi ndiani unokumbira ngezina raMambo unozoponeswa (VaRoma 10:13).

Isusu tiri Makristu. Tiri Vamwari. Tine masimba etinawo. Masimba aya anobva mudenga. Izvi ndizvo zvetakafunda zuro. Tinoshandisa masimba omudenga kutonga. Iyi indaa yokuti tinogonda ngezina raKristu Jesu. Uyezve tine ukama naKristu Jesu ava. Zina raJesu ndiro rakatiponesa. Ndirozve rinotipa masimba etinawo. Masimba akhona ngeeVamwari.

Iwewe wakatsanangura kuti Jesu vave ivo vanotonga kupona kwako. Apa ndipo pakatanga ukama hwako navo. Isusu tinotongwa ndiMambo Jesu. Vanhu vaMwari vanosisira kuzwisisa izvi. Mambo Jesu ndivo Mambo vedu. Ndivo vanotungamirira kupona kwedu. Kuronza kuti ndivo vanotironzera zvokuereketa. Ndivo vanotironzera mapinimidziro etinosisira kuita. Ndivo vanotironzera zvokutsanangura. Ndivo vanotungamirira zviro zveshe zvokupona kwedu.

Asi avaiti zvokutimanikidza. Vona vanotidakarira. Vanotitonga ngerudo. Tinotodakadzwa ngokutongwa ndivo. Ivo ndivo vakatanga kutidakarira. Ndiyo ndaa techivada. Izvi ndizvo zvetinoziiswa muna 1 Johani 4 ndima 19. Ndiyo ndaa techivadira ngenjira yetinovadira ndiyo. Ndiyo ndaa techivagwadamira. Techivaemura. Ativanamati kudaro setsika. Tinotovakudza. Vanotoa Mambo wedu. Ndivo vanototonga kupona kwedu.

Iwewe unosisira kuvazia saMambo wako. Zvisirizvo unenge uri kungovagwadamira zvetsika. Vona ndivo Mambo wako. Ndiyo ndaa uchivagwadamira. Asi dangani ungati, Ivo ndiMambo vangu havo. Asi ishamwari yanguzve. Iroro igwinyiso haro. Asi ausisiri kuriyarwa kuti ndiMambo vakozve. Saka unosisira kufundira kutenda kutongwa ndivo. Unosisira kufundira kuvakudza saMambo wako.

Madzimambo ane shamwari. Asi shamwari dzakhona ndidzo dzinonyanya kuremeredza madzimambo aya. Iwewe uri shamwari yaJesu hako. Asi ndiwe unosisira kutonyanya kuvaremeredza. Ndiwe unosisira kutoonesa vamweni njira yokuremeredza ndiyo Jesu. Vona ndiMambo vakuru. Ndivo Mambo weVamwari veshe. Ndivo vanotonga zveshe. Vanotonga mudenga. Vanotonga munyika muno. Ivo vanozia masimba avo. Vakuru yaamho. Asi vanotidakarira. Vanotitora seshamwari dzavo.

Vane mazwi evakamboereketa kuvadzidzi vavo. Tinoerenga mazwi akhona muna Johani 13 ndima 14. Inoti, Zvino kudai Inini, Mambo noMudzidzisi wenyu, ndashamba tsoka dzenyu, nemwiwo kunosisira kuti mushambane tsoka dzenyu. Jesu vaiya vakadzipfaisa. Ngenjirayo vaitotifundisawo kuzvipfaisa. Vona vanosisira kuremeredzwa. Asi vaisamanikidza vanhu kuvaremeredza. Asi apana waikona kusaona ukuru hwavo. Saka vakudze. Vakudze pounovadira. Vakudze ngemishando yako.

Kumbira Weiti

Mambo Jesu vendinoda. Ndimwi munotonga kupona kwangu. Ndimwi Tenzi wangu. Ndimwi Mambo wangu. Ndimwi Mambo wezveshe. Ndimwi mwega Mwari. Ndimwi musikafi. Munogara mukujeka kukurutu. Apana angaguma pakujeka uku. Ndimwi munotonga mudenga. Ndimwi munotonga munyika muno. Ndinokunamatai. Ndinokuemurai. Ndimwi mwega munosisira kukudzwa. Ndimwi Mwari. Ndimwi mune masimba eshe. Ameni.

Dzimweni Ndima Dzinotsinhira Kufunda KwaNyamashi:

VaFiripi 2:9-11
Johani 13:13
VaKhorose 3:17

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church