Ukunanzelelwa KokubayiNkosi Kwakhe

Saturday, 26 April 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngoba wonke loba ngubani ozabiza ibizo leNkosi uzasindiswa (KwabaseRoma 10:13)

Kusifundo sethu esedlulileyo sikhulume ngokuthi igunya lethu singamaKhristu lisuka ezulwini. Ukubusa kwethu kusukela ezulwini. Kodwa isisekelo sokubusa kwethu sigxile kukholo lwethu lasebudlelwaneni esilabo loJesu Khristu.Ibizo lika Jesus eliyisiqokoqela sensindiso yethu kanye legunya lobuNkulunkulu esilalo.

Ngesikhathi uyamukela uKhristu, ukuvuma kwakho ukuthi abeyiNkosi kwahle kwaqala uhambo lwakho loKhristu.Abantu bakaNkulunkulu kumele bafundiswe ukuze bazwisise ukubusa kukaJesu; usengumbusi wempilo zethu. Lokhu kutsho ukuthi usebusa phezu kwamazwi ethu, imicabango, izinqumo lakukho konke okumayelana lathi.

Okuhle kakhulu ngalokhu yikuthi ukubusa kwakhe phezu kwethu ngokothando. Siyindalo yothando lwakhe. Siyazehlisa kumbuso wothando lwakhe. IBhayibhili lithi siyamthanda ngoba wasithanda kuqala (u1 Johane 4:19). Lesi yiso isizatho sokuba simdumisa ngendlela esimdumisa ngayo. Yiso isizatho sokumguqela simbabaza, kungayisikho nje ngokokujayela kodwa ngoba simhlonipha njalo sinanzelela ubukhulu bakhe.

Nxa kukwehlula ukumbona kumbe ukumenza iNkosi yakho, ukumguqela kwakho kuba yinto yeze nje. Umguqela ngoba uyiNkosi yakho njalo umkhothamela ngoba unanzela ubukhosi bakhe. Usungathi kodwa iloba eyiNkosi yami ulokhe engumngane wami, kuliqiniso lokhu. Kodwa kumele unanzelele, ufunde njalo uzehlise kuye njenge Nkosi yakho.

Umngane woqobo weNkosi uyihlonipha ngokwezinga eliphezulu. Njengomngane kaJesu, ukumhlonipha kwakho kumele kubeyisibonelo ukuze abanye babone bafunde njalo. Kumele umhloniphe kakhulu. UyiNkosi enkulu yenkazimulo, iNkosi yamakhosi, umbusi wamazulu lomhlaba. Uyazazi ukuba ungubani, laloba emkhulu kanganani uzinikele ekusicabangeni kwakhe.

Wathi kubafundi bakhe, " Ngakho uba mina, iNkosi loMfundisi, ngigezise inyawo zenu, lani-ke lifanele ukugezisana inyawo" (John 13:14). Wasifundisa ukuba sizehlise esebenzisa umzekeliso wokuzehlisa kwakhe. Kazange adinge izikhundla ukuze azifakaze ubunguye bakhe; ubukhosi bakhe bungobemvelo. Umdumise ngempilo yakho yonke. Umphakamise ngendumiso langezenzo zakho.

Umkhuleko
Nkosi Jesu, ngiyakwamukela njengeNkosi empilweni yami. Ungumfundisi wami omkhulu, iNkosi yami engaphezu kwakho konke. Wena wedwa unguNkulunkulu njalo ulokungafi uhlala ekukhanyeni okungatshodelekiyo. Ungumbusi wezulu lomhlaba, ngiyakudumisa njalo inkazimulo, amandla lenhlonipho kayibe kuwe. Amen

Qhubeka Ngembalo
KwabaseFiliphi 2:9-10
UJohane 13:13
KwabaseKholose 3:17

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church