Wakatsanduka Dzinza

China, 9 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ndizvo kudai munhu ari munaKristu, waa chisikwa chitsva; zviro zvekaretu zvapinda, wonai zvaitwa zvitsva! (2 VaKhorinte 5 ndima 17).

Mambo Jesu vakabhadharira zvishaishi zvenyika yeshe. Asi vakabhadharirwa vakhona vashaishi. Vakacheneswa avazi kubhadharirwa. Iyi indaa yokuti Vakacheneswa avaerengerwi kuvashaishi. Vakacheneswa vanotoa imweniwo mhando yevanhu. Avasiri vanhu vomunyika muno. Ivo Vamwari. Vakaunzwa ndiKristu Jesu munyika muno. Vakaunzwa paya pakafa Jesu. Vakazoikwa. Vakazomuka kubva kuvakafa.

Iwewe wakaashira Kristu Jesu. Wakabva watenda kutongwa ndivo. Ipapo ndipo pewakabva wasikwa patsva. Ukabarwa kechipiri. Ukauya watsanduka dzinza. Waa wengazi itsva. Izvi ndizvo zvetinoona muna vaRoma yechitanhatu ndima yechirongomuna. Inoti, Ndizvo takaikwa pamwepo naye ngokubhabhatidzwa murufu, ndizvo kudai ndiKristu akamuswa kubva kwevakafa ngouthende hwaBaba, ngokudaro isusuwo tihambe mukupona kutsva. Ndizvo isusu takatsandurwa dzinza. Taa Vamwari. Iwewe waa chisikwa chitsva. Uri mhando itsva yevanhu. Iyo mhando iya yakauya pakamuka Jesu kubva kuvakafa.

Ndizvo waa munhu akapembedzwa. Kuronza kuti wakawanikwa usina ndaa yewakapara. Munhu waiya washaisha wakhona wakafa. Wakafa pamwepo naKristu. Pona paya pevakakohomerwa paMuchinjiko. Jesu ava vakazomuka kubva kuvakafa. Iwewe wakabva wamukavo navo. Wakamuka apapo watsanduka dzinza. Waa mhando itsva yomunhu. Wasikwa patsva. Wakabva waa munhu akarurama. Ari akacheneswa saMwari.

VaRoma yechirongomuna ndima yemakumi mairi nechishanu inoti, Uwo wakapirwa ngendaa yezvishaishi zvedu, echimuswazve kuitira kupembedzwa kwedu. Mwari ngavakudzwe saMwari. Iwewe waa chipuka chitsva. Ndiyo ndaa usisina ndaa youngapomerwa. Ndiyo ndaa techichumaira Vhangeri. Tinorichumaira ngokukasira. Tinoda kuti vanhu vapinde muna Kristu. Vaite zvipuka zvitsva. Tinoda kuti vazie kuti vanokona kua muna Kristu. Vechizoa vanhu vakapembedzwa. Vechia vanhu vasina nhoroondo yekupona kwekaretu. Vanenge vaa mhando itsva yevanhu.

Jakobe yokutanga ndima yegumi nechisere inoti, Ngokuda kwake iye wakatibara ngeizwi regwinyiso, kuti tiite kudai ngemichero yokutanga yezvakasikwa zvake. Mundima iyi mune mazwi anoti, Kuti tiite kudai ngemichero yokutanga yezvakasikwa zvake. Iwewe wasiyana nevanhu vomunyika muno. Waa mhando itsva yevanhu. Inoa mhando yedzinza raMwari. Ndizvo waa Mumwari. Waa kuera. Warurama. Hareruya!

Kumbira Weiti
Baba vendinoda. Ndinomubonga. Inini ndaa muna Kristu. Ndizvo ndakatsanduka dzinza. Ndaa wengazi yaKristu. Ndaa chipuka chitsva. Ndakaruramiswa. Mwari vaa kundiona somunhu anopona. Zvekaretu zveshe andichisina. Zviro zvangu zveshe zvaa zvitsva. Ndinopona somunhu anozia kuti ndaa Mumwari. Mwari vaa kuonekwa pendiri. Kururama kwaMwari kwaa kuonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 4 ndima 23 kusvika 25
Mabasa 13 ndima 38 kusvika 39
1 Pita 1 ndima 23

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church