Isidalwa Esitsha Esikhululiweyo

Thursday, 9 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Njalo uma umuntu ekuKhristu, ungumuntu omutsha, okwakuqala ludlulile, khangela, konke sokwenziwe kutsha. (2 AbaseKhorinte 5:17)

Uma sisithi uJesu wahlawulela izoni zonke emhlabeni, kumele unanzelele ukuthi kukhulunywa ngendlela enjani. Ukuhlawulelwa lokhu akuhlanganiseli lomKhistu ngoba umKhristu kasabalelwa kuzoni. AmaKhristu yizidalwa ezingajwayelekanga, kabasibo balapha emhlabeni. Baphiwe impilo entsha ngokufa, ukungcwatshwa kanye lokuvuka kukaJesu Khristu.

Uma ukholwa kuJesu Khristu, uvuma ngomlomo wakho ukuthi uyiNkosi empilweni yakho, wadalwa kutsha, wazalwa kutsha, wanikwa impilo entsha. Ngakho-ke sambelwe laye ngokuphaphathizelwa ekufeni ukuba njengoba uKhristu wavuswa kwabafileyo ngobukhosi bukaYise, ngokunjalo lathi sihambe ekuphileni okutsha. (AbaseRoma 6:4) Yiso isiqokoqela sesiKhristu lesi, wena uyisidalwa esitsha, uzelwe ngokuvuswa ekufeni walethwa ekuphileni okutsha.

Ngakho-ke, kumele uhambe njengomuntu okhululiweyo. Kutsho ukuthini na ukukhululwa. Kutsho ukuthi uyekeliwe kwathiwa awula cala, usuvulelwe ukuthi uhambe. Umuntu owayelecala sewafa kanye loKhristu esiphambanweni. Kwathi lapho uJesu evuka kwabafileyo, umuntu omutsha wavuka kanye laye. Umuntu omutsha lo, udalwe ngokulunga kanye lobungcwele beqiniso.

AbaseRoma 4:25, kukhulunywa ngeNkosi uJesu, kuthiwa, Wanikelwa ngenxa yeziphambeko zethu, wavuswa ngenxa yokulungisiswa kwethu. Mayidunyiswe iNkosi! Usukhululiwe ngoba uyisidalwa esitsha, yikho lokhu okwenza sitshumayele iVangeli ngendlela ephangisayo. Sifuna omama labobaba ezindaweni zonke baze kuKhristu babe yizidalwa ezintsha. Sifuna bakwazi ukuthi sebekhululiwe kanye lokuthi kuKhristu, sebeyizidalwa ezintsha.

Jakhobe 1:18 kuthiwa, Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe. Nanzelela lokho okutshiwoyo lapha, wena uyisidalwa esitsha, udalwe ngokwaphezulu, wangcweliswa, waphiwa inkazimulo, walungiswa. Hallelujah!

Umkhuleko
Baba othandekayo, Ngiyabonga ngempilo entsha kuKhristu. Mina sengiyisidalwa esitsha, ngikhululiwe, ngiyaphila kuNkulunkulu. Okwakuqala kudlulile, konke sekwenziwe kutsha. Ngiphila ngikwazi lokhi ngibonakalisa inkazimulo lokulunga kukaNkulunkulu yonke indawo. Ngegama likaJesu. Ameni

Qhubeka Ngemibhalo
Romans 4:23-25
Acts 13:38-39
1 Peter 1:23

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church