Kururama KwaMwari Mwouri

Muvhuro, 13 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Mupfeke munhu mutsva, uwo wakasikwa akadai ndiMwari mukururama nomukucheneswa kwegwinyiso (VaEfesu 4 ndima 24)

Munhu ungaa wakarurama. Munhu uyu unenge ane runako rwaMwari mwaari. Runako urwu ndirwo runenge ruri kushanda mwaari. Mwari ndivo vanenge vari kushanda mumunhu uyu. Mwoyo waMwari ndiwo unenge uri kuonekwa pamunhu uyu. Rudo rwaMwari ndirwo runenge ruri kushanda mwaari. Echionekwa kuti ngewengazi yaMwari. Munhu wakadaro ndiye unokona kupona ngomwazvo. Mwari vakarurama. Ivo ndivozve kururama kwako. Vane kururama kwevakakupa. Kururama uku ndikwo kwaKristu Jesu. Izvi ndizvo zvetinoziiswa mutsamba yokutanga kuvaKhorinte chitsauko chokutanga ndima yemakumi matatu. Inoti, Ndiye chinyuka chokupona kwedu muna Kristu Jesu, uwo wakaitwa ungwaru hwedu ndiMwari, nokururama kwedu, kucheneswa nokuripirwa.

Kururama uku ndikwo kunoita kuti uashirwe ndiMwari. Iwewe ungaa wakabarwa kechipiri. Izvi zvinoronza kuti waa kugara pana Mwari Baba. Unogarapo usikazwi somunhu ane ndaa yaakapara. Unogarapo usikazwi somunhu akarashwa. Nokuti asina kukodzera kua pana Mwari. Izvi ndizvo zvetakaita isusu. Tinoshinga kugara pana Mwari. Tinogarisana zvakanaka naMwari. Techipona mukujeka kweIzwi ravo. Isusu tinozia Mwari ava. Ivo vanotiziawo. Taa vanhu vedzinza ravo. Izvi ndizvo zvetinoona muna vaRoma yechishanu ndima yokutanga. Inoti, Ndizvo, kudai ngezvetinopembedzwa ngokugonda, tino kunyarara naMwari kubudikidza ndiMambo wedu Jesu Kristu. Tsamba yokutanga kuvaKhorinte chitsauko chechitanhatu ndima yegumi nechinomwe inotiwo, Asi iye wasunganidzwa naMambo unoita mweya umwewo naye.

Kururama ndikwo kwaa kupona kwako. Ndikwo kwaa hunhu hwako. Wakatora nyasha dzakawanda. Uyezve wakapuwa chipo chokururama. Izvi ndizvo zvetinoziiswa muna vaRoma yechishanu ndima yegumi nechinomwe. Inoti, Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu. Ndizvo waa kukona kupona uri mwevari. Wakapembedzwa. Une kunyarara naMwari.

Kumbira Weiti
Baba vendinoda. Ndinomubonga. Mwakandipa kururama kwenyu pachenyu. Kuronza kuti ndaa kukona kupona ngomwazvo. Ndaa kukona kupinimidza zviro zvakachena. Ndechirarama kupona kwemene kwemwakandirongera. Ndinopona somunhu anozia kuti aa wedzinza renyu. Ndisikazwi somunhu ane ndaa. Kana kuti akarashwa. Ndaa wengazi yenyu. Rudo rwenyu rwaa kuonekwa pendiri. Ndizvo ndinobereka michero yokururama. Ndinotonga zviro zvomunyika muno. Ndinozvitonga ndakaema saKristu Jesu. Ameni.

Dzimweni Ndima Dzinotsinhira Kufunda KwaNyamashi:
Varoma 5 ndima 17
2 Vakorinde 5 ndima 21
Vafiripi 3 ndima 7 kusvika 9

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church