Zvinyorwa Zvinonyaradza

Chipiri, 14 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ngokuti kunyazwi ngezviri zvakanyorwa karetu, zvakanyorwa kuti isusu tifunde, kuti kubudikidza ngokusengerera nokuembedzerwa kwezvinyorwa tiwe nokugonda (VaRoma 15 ndima 4).

Mwari vane hanya nesu yaamho. Ndiyo ndaa vakatipa Zvinyorwa Zvakacheneswa. Zvinyorwa izvi zvinotoa tsamba yevakatinyorera. Itsamba yevanoda kuti itinyaradze. Zvechizoita kuti tive netariro.

Ndiyo ndaa inini ndechida kufunda Bhaibheri. Anditorembi kuramba ndechirierenga. Zvinyorwa zvinondipa njira yokuhamba ndiyo. Zvinondipa simba rokugonda ndiMwari. Zvinondipa tariro. Zvinoita kuti ndikone kutarisira zviro zvakanaka. Ndizvo pangaa nezviro zviri kuitika munyika. Zviro izvi azvindivhundusi. Madziso angu anoramba ari paIzwi raMwari. Zvinyorwa zvinondinyaradza. Zvechiita kuti ndive netariro. Ndizvo apana chinokona kundivhundusa.

Bhaibheri rinopona kwendiri. Rinotoa izwi rendinozwa rechiereketa. Izwi raKristu. Ndizvo ndingaereketa ndechiti, Uwo uri mukati mwangu wakakura kupinda uwo uri munyika. Ndinenge ndisiri kungoronza zviri muBhaibheri. Ndinenge ndiri kutodaira kuizwi. Iro izwi rendakapuwa ndiMwari. Vechindipa kuti rindiperekedze mukupona. Isusu ationi Mwari ngemadziso edu nguwa dzeshe. Tinopota techishongana nezviro zvakaoma. Techitombodemba kuti dai Mwari vauya kuzotidetsera vemene. Mwari vanozia zveshe izvi. Asi vane chiro chevakatipa. Chiro ichi ndicho chinotonyanya kugondeka. Chiro chakhona Izwi ravo.

Mwari vanoda kuti ugonde ngeIzwi ravo. Izwi iri arina cherisikakoni kuita. Isaya yemakumi mashanu neshanu ndima yegumi naimwe inoti, Ndizvo zvinoita izwi rangu iro rinobuda kubva pamuromo wangu; arizopetuki kwendiri risina chiro, asi rinozopedza icho chendinoda, nokubudirira kwendinorituma. Mambo Jesu vane mazwi evakamboereketawo. Tinoaerenga muna Mateu yemakumi mairi nechirongomuna ndima yemakumi matatu nechishanu. Inoti, Denga nenyika zvinozopinda, asi mazwi angu aatongozopindi akadi.

Izwi raMwari rinogondeka. Rinogondeka kupinda zvimweni zviro zveshe. Izvi ndizvo zvetinoona mundima idzi. Apana rimweni remazwi avo risikazi kuitika. Izvi ndizvo zvetinoona muna Joshua yemakumi mairi naimwe ndima yemakumi marongomuna nechishanu. Inoti, Akuzi kutamika nechiro nachimwe chakanaka cheizvo zvaakaereketa ndizvo Mambo Mwari kunevemhatso yaIsuraeri; zveshe zvakaitika kudaro.

Zvinyorwa zvinokupawo simba. Zvechiita kuti ukone kuita zviro zvako ngoungwaru. Izvi ndizvo zvetinoona muna Joshua yokutanga ndima yechisere. Ndiyo ndaa techikurudzira kuti mipinimidzo yako igare iri paIzwi iri. Iro rechigara riri mumipinimidzo yako. Uchigara uchiridzeya mumwoyo mwako. Pangaa nezviro zvounoda kua mukupona. Zviro zveshe izvi zviri muIzwi raMwari. Ndizvo gara uri paIzwi raMwari. Rishandise pakupona kwako.

Kumbira Weiti
Baba vendinoda. Ndinomubonga. Mwakatipa Zvinyorwa. Zvinyorwa izvi zvinotoa chifumiso. Zvinotoa izwi rinopona. Rinonditungamirira. Rinondisimbisa. Rinondigwinyisa. Zvinyorwa izvi zvinondinyaradza. Ndizvo zvinondipa tariro. Ndinoshandisa mazano aMwari pakupona kwangu. Ndinogonda ndiMwari. Ndinoshinga kurarama kupona kweVamwari. Izwi renyu kujeka. Ndikwo kujeka kwendinoshandisa zuwa rimwe ngarimwe. Ndinoshandisa gwinyiso raro pakupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
2 Timoti 3 ndima 15 kusvika 16
Joshua 1 ndima 8
Mapisarema 119 ndima 105

Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church