Zvishaishi Zvedu Zvakaduswa Zvemhera Nariini

Muvhuro, 20 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Mwaari tinakwo kuripirwa kubudikidza ngengazi yake, ndikwo kukungurirwa kwezvishaishi zvedu, kudai ngouwandu hwenyasha dzake (VaEfesu 1 ndima 7).

Bhaibheri arizi kutipanga kuti tikumbire Mwari kuti vatikungurire. Waiya uchizvizia ere? Mwari avazi kutomboronga kutikungurira zvishaishi. Ivo vakaita zvinopinda kutikungurira. Vakasuka zvishaishi zvedu.

Munhu ungakungurirwa hake. Asi zvishaishi zvake zvinenge zvichiripo. Unenge asiri kungozvikarakadza zvega. Uku ndikwo kukungurira kunoita vanhu. Asi izvi azvisirizvo zvakaitwa ndiMwari. Azvisirizvo zvevakaita muna Kristu Jesu. Vakaita zvokusuka zvishaishi zvedu. Izvi ndizvo zvetinoziiswa muChitenderano Chitsva.

Tsamba yokutanga yaJohani chitsauko chokutanga ndima yechipfumbamwe inoti, Iye unogondeka nokururama unozotirekerera zvishaishi zvedu nokutisuka kusikarurama kweshe. Mundima iyi mune izwi rinoti, kurekerera. Izwi iri rinoturikirwa kubva kuizwi reChigiriki. Izwi reChigiriki rakhona rinoti, aphiemi. Rinotorwa paizwi rinoti, aphesis. Izwi iri arinyanyi kuronza kukungurira. Rinoronza kudusa. Rinoronza kurashira kuretu. Izvi ndizvo zvinoitika pounosukwa zvishaishi. Mwari avazi kusiya zvishaishi zvako zviripo. Avazi kungotsanangura kusakurangira zvishaishi izvi. Vakatozvidusa zvemhera nariini. Vakazvidzima.

Ndiyo ndaa tisikarambi techingokumbira kuti Mwari vatirekerere. Isusu taa munaKristu. Zvishaishi zvedu zvakasukwa. Zvakaduswa. Zvakadzimwa zvemhera nariini. Jesu vakafa. Vakaikwa. Vakamuka kubva kuvakafa. Izvozvo ndizvo zvakaripa zvishaishi zveshe. Ndizvo iwewe wapembedzwa. Auchina ndaa yewakapara.

Asi kune vamweni vanhu. Vanhu ava vanotora ndima dziri muna Mateu. Nokuti Marako. Nokuti Ruka. Ndima idzi dzinoita kuti vapinimidze kuti Mwari vakangotirekerera. Asi Jesu vaiya vasati vafa panguwayo. Vaiya vasati vamuka kubva kuvakafa. Ndizvo vane vanhu vevaifundisa muzvinyorwa izvi. Vanhu vakhona vaiya vachiri pashi pechitenderano chekaretu. Isusu takasiyana nevanhu ava. Taa muna Kristu. Ndizvo taa zvipuka zvitsva. Mwari avatozii kuti takamboshaisha. Izvi ndizvo zvetinoona mutsamba yechipiri kuna vaKhorinte chitsauko chechishanu ndima yegumi nechinomwe. Inoti, Ndizvo kudai munhu ari munaKristu, waa chisikwa chitsva; zviro zvekaretu zvapinda, wonai zvaitwa zvitsva. Ndizvo iwewe wakasukwa. Wakacheneswa. Wakapembedzwa. Wakaereswa. Mwari ngavafumiswe!

Kumbira Weiti
Baba vendinoda. Ndinomubonga. Inini ndaa muna Kristu Jesu. Saka zvishaishi zvangu zvakasukwa zvemhera nariini. Ndinopona somunhu akarurama. Ndinozia kuti zvishaishi azvichanditongi. Nemithuso yezvishaishi aichakoni kunditonga. Ndinopona ndakashinga. Ndechiryisana nemwi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vahebheru 10 ndima 16 kusvika 17
Vakorose 1 ndima 12 kusvika 14
Mabasa 13 ndima 38 kusvika 39

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church