Wakanyisa Nyika Ino

Chipiri, 28 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ngokuti kunyazwi ngechiri chakabarwa ndiMwari chinonyisa nyika. Nouku ndikwo kunyisa kwakanyisa nyika, ndikwo kugonda kwedu. (1 Johani 5 ndima 4).

Johani ndiye wakanyora ndima yetabeura ndiyo. Mwari ndivo vakajekesera mazwi akhona kumweya wake. Iye waiya asiri kungoronza zvaaiona mumweya. Waiya ari kutotsanangura kupona kwetinakwo. Ukwokwo kuri muna Kristu. Ukwo kwaiponiwawo ngevamweni vadzidzi veshe vaJesu. Aya ndiwo aiawo mapinimidziro evadzidzi veshe ava. Vaingozia zvokunyisa zvega.

Vadzidzi ava vaiya vakambohamba naJesu. Ndizvo vaiya vaa kuzwisisa kupona kweVamwari. Vamwari vanhu vakabarwa ndiMwari. Vanhu ava vakanyisa nyika ino. Vanonyisa zviro zvomunyika muno. Ndizvo newewo wakanyisa nyika ino. Ngokuti wakabarwa ndiMwari. Izvi ndizvo zvetinoziiswa ngeBhaibheri. Tinozvierenga muna Jakobe yokutanga ndima yegumi nechisere. Inoti, Ngokuda kwake iye wakatibara ngeIzwi regwinyiso, kuti tiite kudai ngemichero yokutanga. yezvakasikwa zvake.

Johani yokutanga ndima yegumi nembiri kuguma gumi nechitatu inoti, Asi kwavari veshe vakamuashira, avo vakatenda muzina rake, wakavapa simba rokuti vaite vana vaMwari; avo vasikazi kubarwa ngengazi nokuti nokuemura kwenyama nokuti ngokuemura kwomunhu, asi vakabarwa ndiMwari. Iwewe ungaa wakabarwa ndiMwari. Izvi zvinoronza kuti wakanyisa nyika ino. Auzi kutamburira kunyisa nyika iyi. Wakainyisa ngokuti wakabarwa ndiMwari. Hareruya!

Iwewe wakanyisa nyika ino. Wakanyisawo zviro zvomunyika muno. Wakanyisa zveshe zvinoparadza. Apana chiri munyika chingakushaishidza. Aya ndiwo anosisira kua mapinimidziro ako. Unosisira kuzvirowedzera kuzviona ngenjira iyi. Ndizvo zviro zvingaoma hazvo. Karakadza kuti uri wedzinza riri. Woronza kuti une simba rakawanda kupinda remunyika muno. Unotonga zviro zvomunyika muno. Unotonga zveshe zvingatsvaka kukurwisa. Une simba rinopinda raSathani. Unonyisa matenda. Unogonda ndiKristu. Ndiyo ndaa wakanyisa nyika ino. Hareruya!

Kumbira Weiti
Baba vendinoda. Ndinomubonga. Inini ndinogonda ndimwi. Ndizvo ndakanyisa nyika ino. Andivhunduswi ngezviro zvomunyika muno. Ndinonyisa zviro zvomunyika muno. Ndakanyisa nhamo dzomunyika muno. Ndakanyisa magaa ari munyika muno. Ndakanyisa ngozi dzomunyika muno. Ndakashandisa simba reMweya Wakachena kuzvinyisa. Uyezve ndinoshandisa Izwi raMwari kuzvinyisa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 8 ndima 35 kusvika 37
Johane 16 ndima 33
1 Vakorinde 15 ndima 57
1 Johane 4 ndima 4

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church