Tisu Varidzi VeChipikirwa

China, 30 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Zvino kudai muri vaKristu, muri mibarirwana yaAbrahama, muri vadyi venhaka kudai ngechigondiso (VaGaratia 3 ndima 29).

Iwewe waa muna Kristu. Wakabarwa kechipiri. Apa ndipo pewakabarwa waa muridzi wepfuma yaMwari. Pfuma yaMwari yeshe ngeyako. Izvi ndizvo zvetinoona muna VaRoma yechisere ndima yegumi nechinomwe. Inoti, Kudai tiri vana, tiri vanogara nhaka, vanogara nhaka yaMwari, naavo vanogara nhaka pamwepo naKristu. Mwari ndivo muridzi wendarama yeshe. Ndivo muridzi wemapuwe eshe anokosha. Ndivo muridzi wenyika yeshe. Izvi ndizvo zvetinoziiswa muna Hagai yechipiri ndima yechisere. Inoti, Sirivha ngeyangu, nomukore ngowangu, unoronza Mambo Mwari wehondo.

Ivo vanoronzazve muna Nduyo yemakumi mashanu ndima yegumi kuguma gumi nembiri. Inoti, Ngokuti mhuka yeshe yomugwasha ngeyangu, nenombe dziri padera pemitunhu gumi remazana (1000) Ndinozia yeshe shiri yomumitunhu, nechiro cheshe chinohamba ngechangu. ngokuti nyika nazvo zveshe zvirimwo ngezvangu. Hino iwewe ndiwe muridzi wepfuma yaMwari. Kuronza kuti mare yeshe yaa yako. Ndarama yeshe yaa yako. Nombe dzeshe dzaa dzako. Idzodzo dziri pachiuru chemakomo. Nyika yeshe yaa yako. Zviri munyika zveshe zvaa zvako. Zviro zveshe izvi zvaa muzina rako naJesu pamwepo.

Chizviona somuridzi wepfuma yeshe iyi. Kuronza kuti unotoa mupfumi iwewe. Kururama kwakaiswa mumweya wako. Kwakaiswamwo paya pewakabarwa kechipiri. Hupfumi hwakabva hwaiswawo mumweya wako. Ukuru hwakaiswawo mumweya wako apapo. Tsamba yechipiri kuvaKhorinte chitsauko chechisere ndima yechipfumbamwe inoti, Ngokuti imwimwi munozia nyasha dzaMambo wedu Jesu Kristu, kuti kunyazwi iye waiya mupfumi, asi ngendaa yenyu wakaita murombo, kuti imwimwi ngourombo hwake muite vapfumi. Ndima iyi inoronzenyi?

Jesu avazi kumboa murombo pamweya. Izvi ndizvo zvounosisira kutanga wazwisisa. Ndizvo ndima iyi aisiri kuronza ngezvepfuma yepamweya. Iri kuronza ngezvepfuma yepanyika pano. Iri kuronza ngepadera pemare yenyika ino. Jesu vakaa varombo pazviro zvenyika ino. Vechida kuti iwewe uwane pfuma iyi. Asi usaona sokuti mishando yako ndiyo ichakupfumisa. Pona wakadakara. Uchibudirira pane zveshe zvounoita.

Mwouri ndimwo munogara zvifumiso zvaMwari. Ndimwo mwezvinogara zveshe. Izvi ndizvo zvetinoona muna vaEfesu yokutanga ndima yachitatu. Inoti, Ngaakudzwe Mwari naBaba aMambo wedu Jesu Kristu, uwo wakatifumisa munaKristu ngezvifumiso zveshe zvomweya mundau dzomudenga. Karakadza zvakamboereketwa ndiMwari. Apa vaiya vari kuereketa kuna Abrahama. Tinoerenga mazwi avo aya muna Genisisi yegumi nembiri ndima yechipiri. Inoti, ... Neni ndinozokufumisa nokuita kuti zina rako riite mbiri; newe unozoita chifumiso. Mwari vakatozofumisa Abrahama uyu. Vakamufumisa maningi.

Mwari vakafumisa havo Abrahama. Asi chifumiso chakhona chaiya chisiri chake ega. Chaiya chiri kuuyawo pamwana wake. Mwana wakhona ndiKristu. Izvi ndizvo zvetinoziiswa ndiPhauri. Tinoerenga mazwi ake aya muna vaGaratia yechitatu ndima yegumi nechitanhatu. Hino ndima yetabeura ndiyo yati, Zvino kudai muri vaKristu, muri mibarirwana yaAbrahama, muri vadyi venhaka kudai ngechigondiso. Ndizvo iwewe ndiwe muridzi wezvifumiso zvaAbrahama. Unohamba wakatwara zvifumiso. Ndizvo ukaguma pandau imweni, zvifumiso zvinobva zvatogumawo pandau iyi. Hareruya!

Pupura Weiti
Inini ndiri mwana waAbrahama. Ndizvo ndini muridzi wezvifumiso zvaMwari. Ndini ndinogumisa zvifumiso izvi kuvanhu. Vanhu vanowana ruponeso pendiri. Vanowana kururama. Vanowana upfumi. Vanopora. Vanowana pfuma yaMwari. Vanowana tsitsi dzaMwari. Vanowana nyasha dzaMwari pendiri. Ndine pfuma yakawanda. Ndiri mutano. Ndinobudirira pane zveshe zvendinoita. Ndakafumiswa muzviro zveshe. Ndakafumiswa pazviro zveshe. Mwari ngavafumiswe!

Dzimweni Ndima Dzinotsinhira Kufunda KwaNyamashi:
Vaefeso 1 ndima 11
Vakorose 1 ndima 12
VaGaratia 3 ndima 16 na 29

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church