Kumirudza Nyara Kuna Mambo

Chishanu, 31 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Mukumbiro wangu ngauzwike pamberi pako kudai ngomutombo wokupisha. Kumirudzwa kwenyara dzangu ngakudai ngomubairo wemadeekoni (Nduyo 141 ndima 2).

Vanhu vangaa mumunamato. Vechidira Mwari. Vangazwi vamirudze nyara dzavo. Vamweni vavo vanomirudza vasikadi. Vamweniwo avatomirudzi zvachose. Iyi indaa yokuti vanenge vasikazi kufundiswa zviro zvemweya. Isusu tinosisira kumirudza nyara kuna Mwari. Izvi zviro zvakakosha. Zvine zvezvinoita mumweya. Vanhu ava vanosisira kuzwisisa izvi. Avazoneseki kumirudza nyara dzavo.

Inini ndaiya ndiri pane rimweni vhuserero. Izvi zvakaitika makore akawanda apinda. Pane chendakaona pavhuserero iri. Pakaita vanhu vakaporeswa. Vakawanda vakhona vaiya vasikakoni kumirudza nyara dzavo. Nyara dzavo dzaivarwadza. Izvi zvakandishamisa yaamho. Ndizvo ndakabvunza Mweya Wakachena. Ivo vakandipingura. Vakati, Ndakaronzera vanhu ava kuti vandinamate vakamirudza nyara dzavo. Ndakapanga kuti varume vanamate vakamirudza nyara dzavo. Vanosisira kuita izvi kweshe kweshe. Asi ivo avazi kuita izvi. Pakazopera makore akawanda. Nyara dzevanhu ava dzakatanga kurwadza. Vakatanga kusakona kudzimirudza nyore.

Vanhu ava vaingosisira kupota vechidira Mwari vakamirudza nyara dzavo. Nyara dzavo adzaizorwadza kudaro. Asi tinobonga Mwari. Ivo vakazovaitira nyasha. Vakavaporesa. Kumbira wakamirudza nyara dzako. Namata Mwari wakamirudza nyara dzako. Ichi chiro chakakosha yaamho. Usambopinimidza kuti achina mushando. Usapinimidza kuti chinodhanisa. Unenge uri kutoonesa kuti unogonda ndiMwari kana uchimirudza nyara dzako. Mweya wako unenge uri kutodaira kuna Mwari. Unenge uri kutotenda kutongwa ndiMweya Wakachena.

Kumirudza nyara kunokona hakwo kunge kuchikurwadza. Kunokona kunge kwaikurwadza usati waponeswa. Asi chizvijaidza kudzimirudza. Uchidzimirudza kuna Mambo. Uchivanamata. Unenge uri kutoita zvinoronza Izwi raMwari kana uchidaro. Nyara dzako idzi dzinozosungunuka. Iwewe uchizokona kudzimirudza zvisikanesi. Dzisikakurwadzi. VaHebheru yegumi nembiri ndima yegumi nembiri kuguma gumi nechitatu inoti, Ndizvo mirudzai nyara dzenyu dzakarembaremba nokugwinyisa mabvi enyu asina simba, munasire njira dzakarurama dzetsoka dzenyu, kuti icho chakaremara chisazoguduguka, asi kuti chiponeswe.

Kune vana vaMwari vanorwadziwa. Vana vakadaro vakatowanda. Chinovarwadza aasiri matenda. Kungosaita zvinoronza Izwi raMwari. Hino Sathani unobva avateya ndizvo. Saka iwewe fundira kuita zvinoronza Izwi raMwari. Mweya wako ngaufundise muiri wako wenyama kunamata. Ungaa uri kunamata Mwari. Mirudza nyara dzako. Uchiirikidza Mwari. Simba raMwari rinozoshanda mukupona kwako. Rinozoshanda ngenjira yousati wakambopinimidza.

Kumbira Weiti
Baba vendinoda. Ndinomubonga. Munondipa mikana yokukunamatai. Ndechikunamatai kudaro ndakamirudza nyara dzangu. Ndechikukudzai. Ndechikudai. Ichi chinotoa chifumiso. Apana wakadai ndimwi. Muri mukuru yaamho. Ndimwi Mambo wezveshe. Ndimwi Mwari wenyama yeshe. Ndimwi mwega musikafi. Munogara mukujeka. Apana angakwedzera pakujeka uku. Apana munhu angakuonai. Ndizvo kudzwai. Ndimwi muchagara mune masimba eshe. Ameni.

Dzimweni Ndima Dzinotsinhira Kufunda KwaNyamashi:
Mapisarema 134 ndima 1 kusvika 2
Mariro 3 ndima 41
1 Timoti 2 ndima 8 NIV

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church