Dzinza Rakatsanangurwa

Chishanu, 1 Mbudzi 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera. (1 Petro 2 ndima 9).

Mundima iyi mune mazwi anoti, dzinza rakatsanangurwa. Mazwi aya anoturikirwa kubva kuChigiriki. Mazwi eChigiriki akhona anoti, Genos Eklekton. Aangoronzi ngepadera pekutsanangura chiro. Anoronza ngezvekutsanangura zviro. Unenge uchitora zvine dzinza rakanaka. Uchizviisa parutii. Ndikwo kutsanangurwa kwewakaitwa iwewe. Kuronza kuti uri wedzinza repadera. Wakasiyana nevanhu vomunyika muno. Iwewe wakabarwa kechipiri. Apa ndipo pewakauya watsanduka dzinza. Ndipo pewakauya watsanduka ngazi. Wasiyana nevanhu vomunyika muno.

Izvi zvinoda kutodzana nomunhu ari kutsara mbeu. Munhu uyu unenge ari kutsvaka mbeu yakanaka. Unokona kunge ari kutsvaka mbeu inopa hukuro yakawanda. Kana kuti inokasira kubereka. Kana isikakasiri kutsva ngezuwa. Ndikwo kutsarwa kwewakaitwa iwewe. Wasiyana nevanhu vomunyika muno. Wakabarwa kechipiri. Apa ndipo pewakabarwa ndiMweya Wakachena. Ndipo pewakabarwa ngeIzwi raMwari. Izvi ndizvo zvakakutsandura dzinza. Auchaerengerwi kuchikwata chevanhu vomunyika muno.

Izvi ndizvo zviri kugwinyiswa ngendima yetabeura ndiyo. Iri kugwinyisa dzinza rako. Iri kuronza ngezvengazi yako. Iwewe waa wedzinza reVamwari. Wasiyana nevanhu vomunyika muno. Ausisiri kuriarwa izvozvo. Iwewe wakatsarwa ndiMwari. Mwari vakazvipa kwouri. Vakakugeza. Vakakuchenesa. Vakakutora. Vakakuita pfuma yavo. Vakakupa shungu dzokuita mishando yakanaka. Izvi ndizvo zvetinoona muna Thithusi 2 ndima 14. Jakobe 1 ndima 18 inozoti, Ngokuda kwake iye wakatibara ngeizwi regwinyiso, kuti tiite kudai ngemichero yokutanga yezvakasikwa zvake. Ndima iyi inoti tiri michero yokutanga. Kuronza kuti tisu matangwe aMwari. Uyezve tisu vevanonyanya kukoshesa. Izvi ndizvo zvewaa. Mwari ngavakudzwe.

Kumbira Weiti
Baba vendinoda. Ndinomubonga. Mwakanditsaura. Mukanditora sepfuma yenyu. Ndasiyana nevanhu vomunyika muno. Ndakabarwa ndiMweya Wakachena. Ndakabarwa ngeIzwi raMwari. Simba renyu rinoonekwa pendiri. Rinoonekwa kweshe kwendinoenda. Runako rwenyu runoonekwa pendiri. Runoonekwa kweshe kwendinoenda. Ndinorarama kupona kwendakarongerwa ndiMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johani 15 ndima 16
VaEfesu 1 ndima 4
Dhutoronomi 14 ndima 2

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church