Ungumhlobo ohlukanisiweyo

Friday, 1 November 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Kodwa lina liluhlanga olukhethiweyo, ubupristi bobukhosi, isizwe esingcwele, abantu abatholiweyo(1 UPetro 2:9).
Umutsho othi uhlanga olukhethiweyo uvela ebaleni elesiGiliki elithi genos,Eklokton utsho ukuthi umhlobo kumbe umhlambi okhethiweyo. Ibala elithi khethiweyo, Litsho ukwehlukaniswa Libala esilithola kuleli elithi ukungcweliswa. Ngakho-ke, 1 UPetro 2:9 kasitsheli nje ukuthi sikhethiweyo kwabanengi; kodwa, igcizelela usendo lwethu olwehlukileyo. Singabosendo olwehlukileyo; kungokwenzalo yakho, imvelo yakho!
Kufana lomuntu ozama ukukhetha umhlobo we nkukhu, injongo yakhe kayisiyo eyokukhetha inkukhu ezinhle kuphela kodwa umhlobo othile,umhlobo okhethiweyo Kulento kizo ayifunayo enkukhwini lezi. Ngendlela efanayo kawufanani labantu bonke abazalwa ngendlela yemvelo; uzelwe kakutsha- uzelwe ngokoMoya njalo uzelwe ngeLizwi. Lokhu kukwenza ubeluhlanga olwehlukileyo,isizwe esehlukileyo umhlobo okhethiweyo.
Yikho okukhulunywa ngumbhalo wethu esivule ngawo: imvelo yakho eyehlukileyo. Kugokomhlobo- ukuthi wazalwa kanjani. Abakhokho bakho ngabobuNkulunkulu. Konke lapho ohamba khona emhlabeni lo, kugcine engqondweni ukuthi uhlukile.Kawufani labantu bonke. Ungokhethiweyo kaNkulunkulu. IBhayibhili lithi wazinikela ngenxa yethu, wasigeza,wasihlambulula ukuthi sibe ngabantu abangabakhe sibe yinotho ekhethiweyo, etshisekela ukwenza umsebenzi omuhle (UThithu 2:14). Njalo kuJakobe 1:18 ithi, Ngokuthanda kwakhe wasizala ngelizwi leqiniso, ukuze sibe njengezithelo zokuqala zezidalwa zakhe. Izithelo zokuqala kutsho ukuthi ezokuqala njalo ezinhle, ubuhle obupheleleyo besilimo. Nguwe lowo. Makadinyiswe uNkulunkulu!
Umkhuleko
Baba othandekayo, ngiyakubonga ngokungikhetha njengenotho yakho ekhethiweyo njalo eqakathekileyo, ezelwe ngokoMoya njalo leLizwi. Konke lapho engihamba khona, ngitshengisela ubukhona lokuphelela kwakho, ngiphila injongo yami yobuNkulunkulu, eGameni likaJesu. Ameni.
Qhubeka ngembalo
UJohane 15:16
AbaseEfesu 1:4
UDuteronomi 14:2

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church