Vanodakadzwa Ngekukupa Zvounoshuwira

China, 7 Mbudzi 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Kunyazwi chiinyi chomuzokumbira kunaBaba ngezina rangu, unozochipa kwomuri. Metsa zvino amuzi kukumbira chiro ngezina rangu. Kumbirai nemwi munozoashira, kuti kudakara kwenyu kuzadzisike (Johani 16 ndima 23 kuguma 24).

Mambo Jesu ndivo vakaronza mazwi etabeura ndiwo. Nyasa kumaongorora. Vanoti isusu takasunhurika kukumbira Mwari Baba zvetinoda. Atina chetinorambidzwa kuvakumbira. Asi tinosisira kuvakumbira takaema saJesu. Tinozopuwa zvetinenge takumbira zvakhona.

Iwewe ungaa uri kupona murudo. Uchidakarira vanhu. Zvinoshuwirwa ndiMwari ndizvo zvounozoshuwirawo iwewe. Ndizvo azvizoiti kuti ukumbire zviro zvisikadakadzi Mwari. Ndizvo Mwari vanotikurudzira kukumbira. Techibva tatora zvetinenge takumbira zvakhona. Ndikwo kuti tigare takadakara. Izvi zvinodakadza yaemho. Zvinotionesa kuti Mwari Baba vanoda kutifumisa. Ichocho ndicho chishuwo chavo. Mwari avazi kutodzana nevabereki vomunyika muno. Avazi kutodzana nevanhu vomunyika muno. Vanhu ava vanokona kuremba ngokukumbirwa. Asi Mwari avarembi. Vanotoda kuti tigare techivakumbira. Vanotodakadzwa ngekutipa zvetinokumbira zvakhona.

Ndizvo iwewe ungakumbira Mwari chiro. Unosisira kubva wazia kuti watopuwa chiro ichi. Jesu vakatiraira kuti tikumbire. Asi avazi kuti tizobva tagara takangoemera mupinguro. Techiemera kudaro nokusikaperi. Haiwa, andizvopi. Vakati tinosisira kubva tatora. Techitora izvozvo zvetinenge takumbira zvakhona. Ndizvo iwewe ukakumbira Mwari chiro. Mwari vanobva vatokupa chirocho. Vanokupa mumweya. Saka iwewe ibva watotanga kudakara. Uchizia kuti watoa nechiro chakhona. Unosisira kubva watotanga kupona somunhu atoa nechirocho.

Kakawanda tine vanhu vetinoshongana navo. Ava vanhu vasikaiti zvevanenge vagondisa. Asi Mwari avazi kuita sevanhu ava. Ivo vakatendeka. Vanoita zvevanenge vagondisa. Vanhu vangasadaro. Vangariarwa. Asi Mwari avana chevasikakoni kuita. 1 Petro 3 ndima 12 inoti, Ngokuti madziso aMambo Mwari anoringira padera pevakarurama, nenzee dzake dzinopurutana kumikumbiro yavo. . Hareruya!

VaHebheru 13 ndima 5 kuguma 6 inoti, Kupona kwenyu ngakuite kusikakariri mare, itai vanogutiswa ngeizvo zvomunazvo, ngokuti wakati, Anditongokurekeri nokuti kukusiya. Ndizvo ngokutsunga tingakona kuronza kuti,, Mambo Mwari mudetseri wangu; andizotyi. Munhu ungazoitenyi kwendiri. Nyasa kupinimidza mazwi aya. Ugutsikane kuti Mwari vanokudakarira. Uyezve kuti vanoshuwira kuti ugare wakadakara. Une kunyarara. Uchitonga zviro zvomunyika muno. Uchinyisa zveshe zvounoshongana nazvo. Ivo vanokudakarira. Uyezve vanoshuwira kukupa zveshe zvounoshuwira.

Kumbira Weiti
Baba vendinoda. Ndinomubonga. Mwakaita kuti ndikone kukumbira. Zvechiita kuti ndigare ndakadakara. Ndinogonda ndimwi zvakadzara. Ndakagutsikana kuti munondidakarira. Izwi renyu rinogondeka. Ndinomubonga. Munondizwa nguwa dzeshe. Uyezve munondipa zveshe zvendinokukumbirai. Kudaira kwenyu kunongoa, Eya. Inongoa, Ameni. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jakobe 1 ndima 5 kuguma 6
Marako 11 ndima 24
1 Johani 5 ndima 14 kuguma 15

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church