Uthokoziswa Yikugcwalisa Izifiso Zakho

Thursday, 7 November 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngiqinisile ngithi kini, uBaba wami uzalinika loba yini eliyicela ngebizo lami. Kuze kube manje kalikaceli lutho ngebizo lami. Celani, lizakwamukeliswa, ukuze ukuthokoza kwenu kuphelele. (Johane 16:23-24)

Nanzelela ukuthi iNkosi ithini embhalweni esivule ngawo, uyachaza ukuthi, singacela kuBaba lobaa yini esikufunayo eGameni lakhe, sizakwenzelwa.

Nxa uhamba ngothando, izifiso zakho ziyahambisana lezifiso zakhe, angeke ucele lutho olungaphandle kwentando yakhe. Ngakhoke uyasikhuthaza ukuthi sicele samkeliswe ukuze ukuthokoza kwethu kuphelele. Isimemo esibusisekileyo kangakanani! Kusibonisa ukuthi uBaba ulesifiso esingakanani sokuthi asibusise. Kakufanani labazali basemhlabeni abasuke
badinwe ngezikhalazo, uNkulunkulu yena kadinwa ngezikhalazo zethu. Uyathokoziswa yikuphendula lokugcwalisa izifiso zethu.

Ngakho-ke nxa ucela, kholwa ukuthi wamkelisiwe. UJesu kazange athi cela ulinde, wathi cela, wamkele. Lokhu kutsho ukuthi kusukela ngesikhathi ocela ngaso, qala ukuthokoza, wenze engathi usukutholile lokho okucelileyo ngoba emoyeni, sokwenzakele.

Sihlala ngezikhathi zonke sihlangana lokudaniswa ngabantu abangagcini izithembiso zabo, kodwa uNkulunkulu kanjalo.Uthembekile, uyaligcina iLizwi lakhe. Abantu bangehluleka bakudanise kodwa uNkulunkulu kadanisi. Ku1 Phetro 3:12 kuthiwa, Ngoba amehlo kaThixo akhangele abalungileyo lezindlebe zakhe ziyezwa imikhuleko yabo Hallelujah!

KuAmaHebheru 13:5-6 lithi iBhayibheli, ngoba uNkulunkulu wathi:Kangisoze ngilitshiye; kangisoze ngililahle. Ngakho siyatsho ngethemba sithi: INkosi ingumsizi wami; kangiyikwesaba. Umuntu angenzani kimi na? Hlala emazwini lawa okwesikhatshana ugubuzelwe luthando lukaBaba, lesifiso sakhe sokuthi uphile ekugcwaleni kwenjabulo, ithemba lokunqoba nsuku zonke. Uyathokoziswa nguwe lokugcwalisa izifiso zakho.

Umkhuleko
Baba othandekayo, ngiyabonga ngethuba osunginike lona lamandla asemthandazweni, injabulo yami iphelelisiwe. Angivumi ukungabaza lokuzamazama ngoba iliZwi lakho lethembekile, liqinisile ngezikhathi zonke ngiyabonga ukuthi uyangizwa ngezikhathi zonke unginika konke engikucelayo ngoba iliZwi lakho lingu Yebo, lo Ameni, ngeGama likaJesu. Ameni.

Qhubeka Ngemibhalo
Jakhobe 1:5-6
Makho 11:24
1 Johane 5:14-15

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church