Kunyikwa MuMvura. NoKurya Chiryo Chinoera

China, 21 Mbudzi 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Ngokuti nguwa dzeshe dzomunorya ichi chingwa nokunwa kuiyi tsani, munoteketesa kufa kwaMambo metsa auye (1 VaKhorinte 11 ndima 26).

Munhu ungaa asikazi kunyikwa mumvura. Munhu wakadaro unotenderwa kurya Chiryo Chinoera ere? Kune vamweni vanobvunza mubvunzo uyu. Isusu tiri Vakacheneswa vaJesu. Mambo Jesu vakatipanga kurya Chiryo Chinoera. Vakatipangawo kuti tinyikwe mumvura. Teiombekwa.

Mambo Jesu vane zvevakapanga vadzidzi vavo. Vakavati vagumise Vhangeri pashi reshe. Vakavati varigumise kumunhu weshe. Vechigwinyisa kukosha kwokunyikwa mumvura. Izvi ndizvo zvetinoona muna Marako 16 ndima 15 kuguma 16. Ndima yegumi nenhanhatu yakhona inoti, Iye unotenda abhabhatidzwe unozoponeswa; asi uwo usikatendi unozorashwa. Mateu 28 ndima 19 inotiwo, Ndizvo endai, mwechiita vadzidzi kumadzinza eshe, mwechivabhabhatidza ngezina raBaba neroMukororo, nero Mweya Wakachena.

Phauri une zvaakaoneswawo ndiMambo. Zviro izvi zvakakosha yaemho. Unotiziisa zviro izvi muna 1 VaKhorinte 11 ndima 23 kuguma 26. Apa Phauri unotikarakadzisa usiku hwakapandukirwa Mambo Jesu. Mambo Jesu vakarya Chiryo zuwa iri. Ndizvo Phauri unogwinyisa kukosha kweChiryo ichi. Kunyikwa mumvura kwakaema kwega. Kurya Chiryo Chinoera kwakaema kwega. Kuronza kuti munhu ungaa asikazi kunyikwa mumvura hake. Asi unokona kurya Chiryo Chinoera. Bhaibheri arimanikidzi kuti munhu uyu atange anyikwa mumvura.

Asi kune masangano asikaiti izvi. Masangano aya akatowanda. Anoda kuti munhu atange anyikwa mumvura. Ndikwo kuti azorya Chiryo. Izvozvo azvizi hazvo kushata. Masangano aya anokoshesa kunyikwa mumvura. Ndiyo ndaa echiita izvi. Anoti kunyikwa mumvura uku ndikwo kunoonesa kuti munhu waashira kuti Kristu Jesu vakamufira. Vakaikwa. Vakamuka kubvakuvakafa. Kunoonesa kuti munhu uyu waashira Ruponeso rwaJesu.

Vakacheneswa vokutanga vaikoshesa kunyikwa mumvura uku. Pane nguwa yaiya iri kutambudzwa Vakacheneswa ava. Vamweni vavo vaikona kuramba kuti vakaashira Jesu. Vakacheneswa ava vaizobvunzwa kuti vakanyikwa mumvura ere. Vaizouraiwa kana vachinge vakanyikwa mumvura. Kunyikwa mumvura uku ndikwo kwaibva kwavaparira. Ndikwo kwaionesa kuti vakazvipira kunaKristu.

Munhu ungaa asikazi kubarwa kechipiri. Masangano aawanzi kunyika munhu akadaro mumvura. Vanongonyika vanenge vakabarwa kechipiri. Ndizvo vanoti Wakacheneswa waJesu emene unosisira kunge akanyikwa mumvura. Ndiyo ndaa vechizongopa Chiryo kuvanhu vanenge vakanyikwa mumvura. Izvozvo zvakanaka yaemho. Zvinoonesa chishuwo chemasangano aya. Chona chishuwo chokukoshesa tsika yokunyika vanhu mumvura. Inoa tsika inoitwa ngeVakacheneswa vaJesu.

Kumbira Weiti
Baba vendinoda. Ndinokoshesa Chiryo Chinoera. Ndinokoshesa tsika yokunyika vanhu mumvura. Tsika idzi dzinoonesa kuti ndinogonda ndiJesu. Uyezve kuti ndakazvipira kwomuri. Andidarikwi ngemukana wekurya Chidyo Chinoera. Ndinenge ndiri kutopupura kuti ndakanyisa Sathani. Ndinenge ndiri kutopupura kuti ndakanyisa nyika ino. Pamwepo nezviro zviri mweiri. Ndinenge ndiri kupupura kuti Mambo Jesu vakandipa pfuma yavo. Vakandipa pfuma iyi senhaka. Ndizvo ndichagara ndechinyisa zvishaishi. Ndichagara ndechinyisa zvirwere. Rufu. NaSathani. Ameni.

Dzimweni Ndima Dzinotsinhira Kufunda KwaNyamashi:
Mateu 28 ndima 19
Zvakaitwa 2 ndima 41
1 VaKhorinde 11 ndima 27 kuguma 29

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church