Ukubhaphathizwa Kwamanzi Lesidlo Esingcwele

Thursday, 21 November 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngoba loba nini nxa lisidla lesisinkwa, linatha linkenzo, litshumayela ukufa kweNkosi ize ifike. (1 AbaseKhorinte 11:26)
Kulalabo ababuza ukuthi kulungile na ukudla iSidlo eSingcwele nxa ungabhabhathizwanga emanzini. Okukuqala esiKristwini, kulezinto ezingcwele esizenzayo njenge Sidlo eSingcwele lokuBhabhathizwa eManzini.
KuMakho 16:15-16, iNkosi uJesu watshela abafundi bakhe ukuthi basabalalise iVangeli kuzozonke indawo zemhlabeni lakuye wonke umuntu, esitsho lokuqakatheka kokubhabhathizwa emanzini. Lowo okholwayo abhabhathizwe uzasindiswa, kodwa ongakholwayo uzalahlwa (uMakho 16:16). KuMathewu 28:19, Wathi Ngakho hambani lenze izizwe zonke zibe ngabafundi, libhabhathize ebizweni likaYise leleNdodana lelikaMoya oNgcwele;
Laku 1 abaseKhorinte 11: 23-26, uPhawuli uyabelana isambulo esiqakathekileyo asithola eNkosini. Uyalonda izenzakalo zobusuku iNKosi Jesu athengiswa khona, egcizelela ukuqakatheka kweSidlo eSingcwele. Ngokunjalo, uMbhabhathizo waManzi leSidlo eSingcwele akuphathelananga; uyenelisa ukudla iSidlo eSingcwele loba ungakabhabhathizwa emanzini.
Kodwa ke, emabandleni amanengi, iSidlo seNkosi sibekelwe kuphela amalunga asewabhabhathizwa. Akulanto embi ngomkhuba lo. Isizatho abanengi belandela lokhu yikuthi umbhabhathizo ubonakala njengesibonelo sokugcwaliseka kokholo lwakho njalo lokuzimisela ekufeni, lekungcwatshweni lasekuvukeni kuka Jesu Kristu. Kubonakalisa ukuphelela kokwamukela iVangeli.
EBandleni lokuQala, ngesikhathi sokuhlunyezwa, uba umuntu wayebuzwa ngokholo lwakhe abeselwala, ukubhabhathizwa kwakhe kwakuvezwa njengobufakazi bokuzinikela kwabo kuKristu, okwakusenza besebegwetshwa.
Amabandla kanengi kabhabhathizi abangasi makholwa. Yikho amabandla amanengi bekholwa ukuthi amaKristu eqiniso kumele abhabhathizwe njalo bapha iSidlo seNkosi kulabo kuphela ababhabhathiziweyo. Umkhuba lo uyanconywa njalo uhambelana lokufisa kwebandla ukuhlonipha ukuqakatheka kombhabhathizo ekholweni lwesiKristu.

Umkhuleko
Baba othandekayo, ngiyananzelela ukuqakatheka kweSidlo eSingcwele lokuBhabhathizwa kwaManzi njengezibonelo bokholo lokuzimisela kwami kuwe. Lonke ithuba lokudla iSidlo esiNgcwele yikumemezela ukunqoba kwami uSatane, umhlaba lezinto zawo; ukumemezela ukuthi iNkosi uJesu ungabele inotho yakhe, amalungelo akhe lamathuba, ilifa eliyilo eselisebenza khathesi. Ngilokunqoba okungapheliyo lokwehlula isono, ukugula, umkhuhlane, ukufa lomobi. Ameni.

Qhubeka Ngembhalo
UMathewu 28:19
Imisebenzi 2:41
1 AbaseKhorinte 11:27-29

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church