Tinowana Kupona MuZina Ravo

Chipiri, 10 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Zvino Jesu wakaita mioniso imweni mizhinji mukuona kwevadzidzi vake, isikazi kunyorwa mutsamba iyi. Asi iyi yakanyorwa kuti imwimwi mutende kuti Jesu ndiKristu, Mukororo waMwari, nokuti ngokutenda muone kupona ngezina rake” (Johani 20 ndima 30 kuguma 31).

Mambo Jesu ndivo Kristu. Izvi ndizvo zvevakaziisa vanhu. Asi VaJudha avazi kuzviashira. Vakatoona sokuti Jesu vaiya vari kushoora Mwari. VaJudha ava vaizwisisa zvaironza kuti Kristu. Kuti Kristu zvaironza kuti Mukororo waMwari. Mukororo waMwari uyu waiya echitoa Mwari pachezvake. NdiMwari aiya auya ari munhu wenyama. VaJudha ava vaiya vatombobvunza Jesu ava. Vakati, “Ndiwe Kristu Wakhona ere iwewe?” Jesu vakavapingura. Vakati, “Eya. Ndini”. VaJudha vaya vakabva vadaidzira. Vechiti, “… ngokuti iwewe, uri munhu, unodziita Mwari.”. Tinoerenga mazwi avo aya muna Johani 10 ndima 33.

Saka VaJudha vaizwisisa zvaiya zvaronzwa ndiJesu. Vaitozia kuti Jesu vaiya vazviita Mwari. Saka vakatombaapokana nazvo. Asi Mambo Jesu vaiya vasiri kuronza zvokunyepa. Vona ndivo Kristu wakhona. Ndivo Mukororo waMwari. Munhu akavaashira, anozowana kupona. Hareruya! Pane pendaisipota nemakanyi. Ndeichumaira Vhangeri. Ndaitanga ndaziisa vanhu chinangwa chedu. Ndaivaziisa kuti taiya tiri kutsvaka kuti vaashire kuti Jesu ndivo Kristu. Kuronza kuti ndivo Mukororo waMwari. Techitsvakawo kuti vanhu ava vawane kupona muzina raJesu.

Ndaibva ndakokera vanhu ava kuzoponeswa. Vakawanda vaibva vaashira Jesu. Vechibva vawana kupona kusikaperi. Vechibva vaitwa vengazi yaMwari. Izvozvo ndizvo zvakaronza Jesu. Tinoerenga mazwi avo muna Johani 6 ndima 47. Inoti, “Ngegwinyiso ndinoti kwomuri, iye unotenda waanokupona kusikaperi”. Iwewe ungaashira Jesu. Unenge watoa nokupona kusikaperi. Unenge watoa wengazi yaMwari. Asi unosisira kuashira zvewaa izvi. Phauri unotiziisa kuti tinozviita maashiririrei. Tinoerenga mazwi ake muna VaRoma 6 ndima 11. Inoti, “Ndizvo ngokudaro mwechidzierenga nemwi kuti muri vakafa kuzvishaishi, asi kuti munopona kunaMwari munaKristu Jesu”.

Ndizvo iwewe ungaashira Jesu nyamashi. Zvinenge zvechitoronza kuti zvishaishi zvaa kukuona sokuti wakafa. Asi Mwari ndivo vanenge vaa kukuona sounopona. Unenge waa wengazi yaMwari. Mambo Jesu ndivo vakatiunzira Vhangeri. Vhangeri iri ndiro rine kupona. Ndiro rakaita kuti zvikoneke kuti vanhu vasafa. Izvi ndizvo zvetinoona muna 2 Thimothi 1 ndima 10. Iwewe wakaduswa mundau inofa zviro. Ukaiswa mundau inorarama zviro. Izvi ndizvo zvetinoziiswa muna Johani 5 ndima 24. Inoti, “Ngegwinyiso ndinoti kwomuri, uwo unozwa izwi rangu, atende uwo wakandituma, waanakwo kupona kusikaperi; aachapindi mukutongwa, asi wadarika kubva mukufa kupotera mukupona”.

Kumbira Weiti
Baba vendinoda. Ndinomubonga. Mwakandipa kupona kusikaperi. Saka ndinopona somunhu wengazi yeVamwari. Ndaa Mumwari. Ndakadzara simba. Ndakadzara rudo. Ndinogumisa simba renyu kuvanhu. Ndechinyisa zveshe zvendinoshongana nazvo. Kururama kwenyu kuchionekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 6 ndima 47
1 Johane 5 ndima 11 kusvika 12
Johane 20 ndima 30 kusvika 31 NKJV

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church