Bata Vamweni Zvakanaka

China, 26 Zvita 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinogona kudetsera papamushando uyu. Unokona kuchituma neEcoCash pa: *151*2*6*58225# Mwari vakuropafadze

“Dananai umwe kunoumweni ngorudo rukuru; muremeredzane umwe kunoumweni” (VaRoma 12 ndima 10).

Iwewe une zviro zvounoitira vanhu. Mwari ndivo vounenge uri kutoitira zviro izvi. Waiya uchizvizia ere? Ndizvo zvinoronza Bhaibheri. Tinoerenga mazwi aro munaMazwi Akangwara 19 ndima 17. Inoti, “Kunyazwi ndiani unoitira varombo nyasha, unokweretesa kunaMambo Mwari, naye unozomuhwirinzira ngokuwandisa”. Saka ukaitira vamweni zvakanaka, usazvidemba hako, itodakara.

Usagunun’una. Zvakanaka zvounenge waita izvi zvingasazokudetsera. Karakadza zvinoronza Bhaibheri. Rinoti itai zviro zveshe musikagunun’uni. Munenge muri kuonesa kuti muri vana vaMwari kana muchidaro. Vona vana vaya vasina chevangapomerwa. Vanoonekwa kujeka kwaMwari pevari. Vechipenya vari pakati pedzinza rakakombama. Tinoerenga mazwi aya muna VaFiripi 2 ndima 14 kuguma 15.

Iwewe ungadakarira vanhu. Ungavazwira tsitsi. Ausisiri kubva watarisira kuti vakudakarirewo. Mwari ndivo vanokuripira. Izvi ndizvo zvinoronza Bhaibheri. Tinoerenga mazwi aro muna VaKhorose 3 ndima 23 kugumaa 24. Inoti, “Kunyazwi chiinyi chomunoita, shandai ngomwoyo, kudai ngevanoshandira Mambo, haiwa vanhu, mwechizia kuti munozoashira musharo wenhaka kubva kunaMambo. Munoshandira Mambo Kristu”.

Munhu ungabata vamweni zvakanaka. Munhu uyu unotozobudirira zvega. Ngendaa yeyi? Ngokuti Mwari vanobata vanhu zvakanaka. Saka vanogara vechitsvaka vanhu vane hunhu hwavo. Ivo Mwari vakatidakarira. Ndiyo ndaa vakazotuma Mukororo wavo. Vakavatuma kuti vazotifira. Zvechizoita kuti tiponeswe. Izvi ndizvo zvetinoziiswa muna Johani 3 ndima 16. Saka Mwari vanoona vaya vane hunhu hwavo. Ivo vaya vanoshingaira kuponesa vamweni. Vanoshingaira kufumisa vamweni. Vechidakarira vamweni. Mwari vanobva vatutsira vanhu ava nyasha. Simba ravo rinozodetsera vanhu ava. Vanozoitawo kuti vanhu ava vakone kushandisa simba ravo.

Ndizvo dakarira vanhu. Ngazvisakunesa kudakarira vanhu. Vanhu vanosisira kukudakadza. Gara uchitsvaka kuvadetsera. Usaposhwa ngemikana yokuvadetsera. Vabvunze. Uti, “Ndingakudetserai ere?” Iwewe wobva wavadetsera. Wovabvunzazve. Woti, “Pane chimweni chendingakudetserai nacho ere?” Asi vanhu ava vangasakudetserawo. Unodini pakadaro? Izvozvo azvina ndaa!

1 Petro 3 ndima 9 inoti, “Musaunzidzira zvakashata ngezvakashata nokuti kutuka ngokutuka; asi ngenjira imweni unzidzirai ngechifumiso, ngokuti mwakadaidzwa kuneizvo kuti mugare nhaka yokufumiswa”. Saka dakarira vanhu. Ita zviro zvinopa vanhu kupona. Vanhu ngavabve pouri vakadakara. Ukwokwo ndikwo kupemberera kubarwa kwaJesu kwakanaka. Vandudza kupona kweveshe vounoshongana navo.

Kumbira Weiti
Baba vendinoda. Ndinomubonga. Rudo rwenyu rwakadzara mumwoyo mwangu. Rwakaiswamwo ndiMweya Wakachena. Inini ndinoita kuti vanhu vaone rudo urwu. Mwakandiita mudziyo. Wona mudziyo unogumisa zvifumiso zvenyu kuvanhu. Saka vanhu vanobva pendiri vakadakara. Ndinounza kunyarara kweshe kwendinoenda. Ndinodakarira vanhu veshe vendinoshongana navo. Vendinoshongana navo vanoona kunaka kwenyu. Vanoona rudo rwenyu. Vanoona nyasha dzenyu. Vanoona zvifumiso zveenyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vaefeso 4 ndima 32
Ruka 6 ndima 27 kusvika 36
Vagaratiya 6 ndima 10
Matiyo 5 ndima 44 kusvika 45

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church