Phatha Abanye Kuhle

Thursday, 26 December 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Thandanani ngothando lobuzalwane litshengisana ukuzwsnana (KwabaseRoma 12:10)

Ubukwazi yini ukuthi konke okunika abanye, isiphatho osenzela abanye usenzela uNkulunkulu ngokwakhe. Yikho okutshiwo liBhayibhili Lowo osiza abayanga weboleka iNkosi, njalo izakumbhadala. Izaga 19:17. Ngakho lapho usenzela abanye okuhle ungakhononi, thokoza ngakho.

Ungaqala ukukhonona ngokuhle okwenzayo uphambanisa ubuhle bangakhona. Khumbula okutshiwo liBhayibhili ukuthi: yenza konke ngenhliziyo engela kukhonona, ngokwenza lokho uzitshengisela njengomtakaNkulunkulu woqobo ongelasici oveza ukukhanya Kwakhe emphakathini wesizwe esikhohlakeleyo. (KwabaseFiliphi 2:14-15)

Lapho utshengisa umusa lozwelo kwabanye, akufanelanga ukhangelele imbhadalo ngoba iBhayibhili lithi " uzakuyithola imbhadalo yakho ngokukaNkulunkulu. " Kukho konke elikwenzayo kwenzeni ngenhliziyo zenu ngoba likwenzela uNkulunkulu hatshi abantu; njalo lisazi ukuba ngokukaNkulunkulu lizakwamukela ilifa ngoba likhonza iNkosi uJesu." KwabaseKholose 2:23-24

Wonke umuntu ophatha abantu kuhle wande ukuphumelela empilweni ngemva kwesikhatshana. Yindaba? Kugngoba uNkulunkulu uphatha abantu kuhle njalo uhlala eqaphele labo abatshengisela isimilo sakhe. Khumbula ukuba wasithanda waze wathumela indodana yakhe uJesu ukuzosifela ukuze sithole insindiso (uJohane 3:16). Uqaphele labo abazinekele ukusiza, ukubusisa, lokuthanda abanye ukuze atshengisele umusa lamandla akhe ngabo.

Ngakho yekela uthando lolu luzigelezele kuwe. Thanda abantu ngokoqobo, njalo zinikele ukubasiza. Lapho ithuba lingakufinyelela zinikele ekubasizeni. Cela ukubasiza, ungaqeda ubuze njalo futhi " kukhona yini okunye engingalisiza ngakho?". Kuthwani nxa bangangiphathanga kahle ngemva kokubasiza? Lokho akulandaba!

IBhayibhili lithi " Ungaphindiseli okubi ngokubi kumbe isithuko ngesithuko; Kodwa buyisela ububi ngesibusiso, ngoba lolu yilo ubizo lwakho ukuze wamukele izibusiso. (1 uPhethro 3:9). Fafaza uthando. Fafaza impilo. Fafaza injabulo. Leyi yiyo iKhisimusi yoqobo. Abantu kabajabula ngobufakazi ngenxa yokuthi bahlangana lawe.
Umkhuleko
Baba othandekayo, ngiyabonga ngothando lwakho olugcwele enhlizweni yami ngoMoya oyiNgcwele, lona engiludlulisa ngokukhuleleka. Ngifafaza injabulo, ukuthula, lothando kuyo yonke indawo ngoba wena ungenze ngaba ligabha elilezibusiso zalabo bonke abaduze lami. Bonke engihlangana labo bafakaza ngomusa wakho, ubuhle bakho, uthando kezibusiso ngenxa yami ngebizo likaJesu. Amen!

Qhubeka Ngembhalo
Ephesians 4:32
Luke 6: 27-36
Galatians 6:10
Matthew 5:44-45

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church