Ino Ndiyo Nguwa YoKukukura

China, 11 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Amuronzi ere kuti, ‘Kwasara mwedzi mirongomuna, naapo kukukura kwaguma?’ Ndinomuronzera, ‘Mirudzai madziso enyu, muringire muminda, ngokuti yachena zvino yoda kukukurwa’” (Johani 4 ndima 35)

Mambo Jesu ndivo vakaronza mazwi etabeura ndiwo. Vane mapinimidziro evaiya vari kunasirisa. Kune vanhu vachine mapinimidziro awawo. Vanopinimidza kuti nguwa yokukukura aisati yaguma. Asi izvi azvisirizvo. Ino ndiyo nguwa yokukukura. Ongororazve mazwi aMambo. Ivo vakati, “Mirudzai madziso enyu, muringire muminda, ngokuti yachena zvino yoda kukukurwa’”. Kuronza kuti ino ndiyo nguwa yokukukura.

Kune vanhu vasati vazwa Vhangeri. Iwewe unoshongana nevanhu ava nguwa dzeshe. Vanhu vakhona vangasaita sevari kutsvaka Ruponeso. Asi mwoyo yavo iri kutsvaka. Vakaemera kuzwa Izwi raMwari regwinyiso. Izvi zvinotikarakadzisa zvinoronzwa ngeBhaibheri. Tinozvierenga muna vaRoma yechisere ndima yegumi nechipfumbamwe. Inoti, “Ngokuti ngokushuwira kukurutu zvakasikwa zvinogarira kuoniswa kwevana vaMwari”.

Iwewe ndiwe wakaemerwa wakhona. Ndiwe unosisira kupinza zvisikwa mukusunhurwa kwevakororo vaMwari. Ndiwe unosisira kubudisa vanhu muchidima. Uchivapinza mukujeka. Ndiwe unosisira kuvadusa muusungwa hwaSathani. Uchivaunza kuna Mwari. Izvi ndizvo zvetinoona muna Zvakaitwa yemakumi mairi nechitanhatu ndima yegumi nechisere. Usapinimidza kuti vanhu avana shungu neVhangeri. Vanotoritsvakawo. Vazhinji vavo vakangoemera kuritsanangurirwa zvega. Iwewe ndiwe unosisira kuvatsanangurira. Vona vakangoemera kuti uvaziise kuti Kristu unovadakarira. Vakangoemera kuti uvaonese nyasha dzaKristu. Uvaonese shungu dzaKristu.

Ndizvo mirudza madziso ako uone zviri mumweya. Uchazoona mikana yokuchumaira kuchikoro kwako. Kumushando. Mumhuri yako. Mundau younogara. Mudhorobha rako. Mukanyi rako. Nokuti pamhepowo. Shandisa mikana yeshe iyi. Uchumairire vanhu Vhangeri. Unasirise kupona kwevanhu. Uchivaziisa kuti Mwari vanovadakarira. Hukuro inotoa pouri apapo. Ndizvo tsamwirira kukukura. Hukuro yakhona yakatoibva. Yaa kusisira kukukurwa ngokukasira. Ino ndiyo nguwa yokuchekwa kwayo.

Kumbira Weiti
Baba vendinoda. Ndinomubonga. Mwakabeura madziso angu. Ndizvo ndaa kukona kuona hukuro. Ndinotsamwirira kukukura hukuro iyi. Ndinoikukura ndine rudo. Ndechigonda ndiMwari. Ndakashinga. Ndine shungu. Ndinoshanda somushandi akagondeka. Ndechiunza vakawanda kuruponeso. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mateo 9:37-38; Mabasa Avapostora 8:29-31; Mabasa Avapostora 26:16-18

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)