Jesu Vega Ndivo Vanopa Kupona Kusikaperi

Chitatu, 24 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa, asi vaone kupona kusikaperi” (Johani 3 ndima 16).

Tine zviro zvetakawana kuna Jesu. Zviro izvi zvitatu. Ndizvo zvetakatanga kufunda zuro. Zuro takafunda ngepadera pokururama. Nyamashi tinoda kufunda ngepadera pekupona kusikaperi. Apana munhu waiya echikona kuwana kupona kusikaperi. Kupona uku kwakazotanga kuwanikwa pakamuka Jesu kubva kwevakafa. Vakamuka kudaro mumashure mwokunge vambofa. Asi kupona kusikaperi chiinyi? Kupona kusikaperi ingazi yeVamwari.

Ndikwo kunosiyanisa Vamwari nevanhu vomunyika muno. Jesu ndivo vakaita kuti vanhu vakone kutsanduka dzinza. Vechia vengazi yaMwari. Vechiwana kupona kusikaperi. Munyika mune njira dzokunamata. Njira idzi dzakawanda. Dzeshe dzinotsvakawo kukona kupa vanhu kupona uku. Munhu weshe unotsvaka kuwana kupona uku. Unotsvaka kua wedzinza raMwari. Asi avazii kuti vangaita matsandukirei. Vanozvizia havo kuti munhu aazi kutodzana nemhuka. Aasisiri kungofa echirova. Vanopinimidza kuti munhu unoramba aripo. Asi avazwisisi kuti angaita zvokudini.

Eya. Munhu aasisiri kufa echirova. Unosisira kupona nokusikaperi. Asi unosisira kuzia Jesu. Unosisira kuvaashira mumwoyo mwake. Ndikwo kuti awane kupona uku. Ndikwo kuti atsanduke dzinza. Echia wedzinza reVamwari. Jesu ndivo Mwari. Ndivo kupona kusikaperi. Izvi ndizvo zvetinoona muna Johani yegumi nechinomwe ndima yechitatu. Inoti, “Uku ndikwo kupona kusikaperi, kuti vamuzie imwimwi, Mwari ega wegwinyiso, naJesu Kristu uwo womwakatuma”. Tsamba yokutanga yaJohani chitsauko chechishanu ndima yemakumi mairi inoti, “… Nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi”.

Jesu vane amweni mazwi evakaronzazve. Tinoaona muna Johani yegumi ndima yemakumi mairi nechinomwe kuguma makumi mairi nechisere. Mazwi akhona anoshamisa yaamho. Ivo vakati, “Makwai angu anozwa izwi rangu, neni ndinoazia, nawo anonditeera; ndinoapa kupona kusikaperi, nawo aazofi nariini. …”. Fungisisa mazwi etaerenga aya. Jesu vanoti vane kupona kwevanopa makwai avo. Munhu aakoni kungopa. Unosisira kunge ane chokupa chakhona. Kana kuti unosisira kunge ane simba rekupa rakhona. Hino Kristu Jesu vane kupona kusikaperi. Ndiyo ndaa vechikona kupa vanhu kupona uku. Ivo vakatokupa kupona kwacho. Vakakupa paya pewakabarwa kechipiri. Mwari ngavakudzwe!

Iwewe ungaa wakabarwa kechipiri. Izvi zvinoronza kuti wakaduswa mundau inofa zviro. Waa mundau isikafi zviro. Izvi ndizvo zvetinoona muna Johani yechishanu ndima yemakumi mairi nechirongomuna. Inoti, “Ngegwinyiso ndinoti kwomuri, uwo unozwa izwi rangu, atende uwo wakandituma, waanakwo kupona kusikaperi; aachapindi mukutongwa, asi wadarika kubva mukufa kupotera mukupona”. Tsamba yokutanga yaJohani chitsauko chechishanu ndima yegumi naimwe kuguma gumi nemairi inoti, “Nouhwu ndihwo uchapupu, kuti Mwari wakapa kwetiri kupona kusikaperi, noukwo kupona kuri muMukororo wake. Kunyazwi ndiani uno Mukororo uno kupona; nouwo usina Mukororo waMwari, aana kupona”.

Mwari vakatotipa kupona kusikaperi. Kupona uku kuri muMukororo wavo. Mukororo uyu ndiJesu. Mwari vakatotiita vanhu vengazi yavo. Ndizvo munhu ungaa naJesu. Munhu uyu unenge atoa nokupona uku. Unenge atoa wengazi yavo. Asi dangani umweni ungasaa naJesu ava. Munhu uyu unenge asiri wengazi yavo. Jesu vega ndivo vanopa kupona kusikaperi. Ndivo vega vanotsandura vanhu dzinza. Vechivaita vengazi yeVamwari. Vechivaita Vamwari. Hareruya!

Kumbira Weiti
Baba vendinoda. Ndinomubonga. Mwakandipa kupona kusikaperi. Mwakandiita munhu wengazi yaMwari. Ndizvo mweya wangu waa wedzinza renyu. Andichanyiswi ngezvirwere. Apachina chichandinyisa. Andichafi. Ndinonyisa zveshe zvendinoshongana nazvo. Ndaa kurarama kupona kweVamwari. Ndaa Mumwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 6:47; VaRoma 6:23; 2 Petro 1:3-4

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)